ଢେଙ୍କାନାଳ ( ଏଟିଆର ବ୍ୟୁରୋ): କ୍ଷେତକୁ ଓଲଟି ପଡିଲା ବସ । ୩୦ ଯାତ୍ରୀ ଆହତ । ୫ ଗୁରୁତର । ଏମିତି ଏକ ଅଭାବନୀୟ ଘଟଣା ଘଟିଛି ଢେଙ୍କାନାଳ ପୁରୁଣା କଟକ ସମ୍ବଲପୁର ରାସ୍ତାର ହିନ୍ଦୋଳ ଥାନା ପଡା ଗାଁ ଛକ ନିକଟରେ । ଆଜି ସକାଳ ୪ ଟା ବେଳେ ଏହି ଦୁର୍ଘଟଣା ହୋଇଥିବା ଜଣା ପଡିଛି । ଘରୋଇ ବସଟି ଭୁବନେଶ୍ୱରରୁ ସମ୍ବଲପୁଳର ଯାତ୍ରା କରୁଥିବା ବେଳେ ଏହି ଅଘଟଣ ଘଟିଛି । ଦୁର୍ଘଟଣା ବେଳେ ବସରେ ପାଖାପାଖି ୫୦ ଜଣ ଯାତ୍ରୀ ଥିଲେ ।
ସକାଳ ୪ ଟା ବେଳେ ଥାନାପଡା ଛକ ନିକଟରେ ବସଟି ଭାରସାମ୍ୟ ହରାଇ କ୍ଷେତକୁ ଓଲଟି ପଡିଥିଲା । ଏଥିରେ ୩୦ ଜଣ ଯାତ୍ରୀ ଆହତ ହୋଇଥିବା ବେଳେ ୫ ଜଣଙ୍କର ଅବସ୍ଥା ଗୁରୁତର ରହିଛି । ଖବର ପାଇ ଅଗ୍ନିଶମ ବାହିନୀ ପହଞ୍ଚି ଆହତ ମାନଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ହିନ୍ଦୋଳ ଏବଂ ହତୁରା ମେଡ଼ିକାଲରେ ଭର୍ତି କରିଛନ୍ତି । ଆହତଙ୍କ ମଧ୍ୟରେ ୩ ଜଣ ଶିଶୁ ରହିଛନ୍ତି ।
