ଗଜପତି ( ଏଟିଆର ବ୍ୟୁରୋ): ଘାଟିରୁ ୨୦ ଫୁଟ ତଳକୁ ଖସିଲା ବସ । ୫ ଗରୁତର ୨୦ ଆହତ । ଏମିତି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଗଜପତି ଜିଲ୍ଲା ମଲବା ଘାଟିରେ । ସୂଚନା ଅନୁସାରେ ଆଜି ସକାଳେ ଭୁବନେଶ୍ୱରରୁ ପାରଳାଖେମୁଣ୍ଡି ଯାଉଥିବା ବେଳେ ଏକ ଘରୋଇ ଯାତ୍ରୀବାହି ବସ ଦୁର୍ଘଟଣା ଗ୍ରସ୍ତ ହୋଇଛି । ବସଟି ପାରଳାଖେମୁଣ୍ଡି ଅଭିମୁଖେ ଯାଉଥିବା ବେଳେ ମଲବା ଘାଟିରେ ବସଟି ଭାରସ୍ୟାମ ହରାଇ ୨୦ ଫୁଟ ତଳକୁ ଖସି ଯାଇଥିଲା ।
ବସଟି ଘାଟିରୁ ଖସି ଏକ ବିଲ ଭିତରେ ଓଲଟି ପଡିଛି । ପାଖାପାଖି ବସରେ ୫୦ ରୁ ଅଧିକ ଯାତ୍ରୀ ଥିବା ଜଣା ପଡିଛି । ଯାତ୍ରୀଙ୍କ ମଧ୍ୟରୁ ୨୦ ଜଣ ଆହତ ହୋଇଥିବା ବେଳେ ୫ ଜଣ ଗରୁତର ଆହତ ହୋଇଛନ୍ତି । ଖବର ପାଇ ଅଗ୍ନିଶମ କର୍ମଚାରୀ ଓ ସ୍ଥାନୀୟ ଲୋକେ ଯାତ୍ରୀମାନଙ୍କୁ ବସ ଭିତରୁ ଉଦ୍ଧାର କରିଥିଲେ । ଆହତମାନଙ୍କୁ ଖଜୁରିପଦା ଓ ରାୟଗଡା ମେଡିକାଲରେ ଭର୍ତ୍ତି କରାଯାଇଛି ।
