କୋଣାର୍କ(ଏଟିଆର ବ୍ୟୁରୋ): କୋଣାର୍କ ମେରାଇନ ଇକୋଟ୍ରିଟରେ ଆଜି ଏକ ବଡ ଧରଣର ସଡକ ଦୂର୍ଘଟଣା ହୋଇଛି । ଏକ ଟୁରିଷ୍ଟ ବସକୁ ଯାତ୍ରୀବାହି ବସ ଧକ୍କା ଦେଇଛି । ଆଜି ଅପରାହ୍ନ ୧୨ ଟା ସମୟରେ ଏକ ଟୁରିଷ୍ଟ ବସ କୋଣାର୍କରୁ ପୁରୀ ଯାଉଥିବା ବେଳେ ମେରାଇନ ଡ୍ରାଇଭରେ ଏକ ଯାତ୍ରୀବାହି ବସ ଟୁରିଷ୍ଟ ବସକୁ ପଛରୁ ଧକ୍କା ଦେଇଥିଲା । ଯାହା ଫଳରେ ପାଖାପାଖି ୨୦ ରୁ ଅଧିକ ଯାତ୍ରୀ ଆହତ ହୋଇଛନ୍ତି । ଟୁରିଷ୍ଟ ବସ୍ରେ ୪୦ ରୁ ୫୦ ଜଣ ଯାତ୍ରୀ ଥିବା ବେଳେ ଯାତ୍ରୀବାହୀ ବସ୍ରେ ୩୦ରୁ ଊର୍ଦ୍ଧ୍ୱ ଯାତ୍ରୀ ଥିଲେ।
ଟୁରିଷ୍ଟ ବସର ନାମ ସାଇରାମ ବୋଲି ଜଣା ପଡିଛି । ବସଟି ମାର୍ଶାଘାଇ ଅଞ୍ଚଳରୁ ପର୍ଯ୍ୟଟକଙ୍କୁ ନେଇ ଆସିଥିଲା । ସମସ୍ତ ଆହତଙ୍କୁ ପ୍ରଥମେ କୋଣାର୍କ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ପରେ କିଛି ଯାତ୍ରୀଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ପୁରୀ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତରିତ କରାଯାଇଛି। ପୁଲିସ୍ ଓ ଅଗ୍ନିଶମ କର୍ମଚାରୀ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଯାତ୍ରୀମାନଙ୍କୁ ଉଦ୍ଧାର କରିଥିଲେ। ସ୍ଥାନୀୟ ଲୋକେ ଯାତ୍ରୀବାହୀ ବସ୍ର ଡ୍ରାଇଭରକୁ ଅଟକ ରଖି ପୁଲିସ୍ ଜିମା ଦେଇଛନ୍ତି।
