ମାଲକାନଗିରି (ଏଟିଆର ବ୍ୟୁରୋ): ମାଲକାନଗିରି ଗୋବିନ୍ଦପାଲି ନିକଟରେ ଏକ ବସ୍ ଦୁର୍ଘଟଣାଗ୍ରସ୍ତ ଘଟିଛି । ହଠାତ୍ ଏକ ଯାତ୍ରୀବାହି ବସ୍ ଟି ଭାରସାମ୍ୟ ହରାଇ ପୋଲ ତଳକୁ ଓଲଟି ପଡିଛି । ଫଳରେ ୩୦ ରୁ ଅଧିକ ଯାତ୍ରୀ ଆହତ ହୋଇପଡିଛନ୍ତି । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଚିକିତ୍ସା କରିବା ଲାଗି ମାଥିଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଛନ୍ତି ।
ମହାବାହୁ ନାମକ ଯାତ୍ରୀବାହି ବସ୍ ଟି ଜୟପୁରରୁ ଚିତ୍ରକୋଣ୍ଡା ଫେରିଲା ବେଳେ ଏହି ଦୁର୍ଘଟଣା ଘଟିଛି । ବସ୍ ରେ ପ୍ରାୟତଃ ୪୦ରୁ ଅଧିକ ଯାତ୍ରୀ ଥିବା ଜଣାପଡିଛି । ଖବର ପାଇ ପୋଲିସ ଘଟଣା ସ୍ଥଳରେ ପହଁଚିଛି ।
