ରାଉଲକେଲା (ଏଟିଆର ବ୍ୟୁରୋ): ଆଜିଠୁ ଆରମ୍ଭ ହକି ମହାକୁମ୍ଭ । ପ୍ରଥମ ଦିନରେ ଖେଳାଯିବ ୪ଟି ମ୍ୟାଚ । ବିର୍ସାମୁଣ୍ଡା ହକି ଷ୍ଟାଡିୟମରେ ସନ୍ଧ୍ୟା ୭ଟାରେ ଅନୁଷ୍ଠିତ ଭାରତ-ସ୍ପେନ ମ୍ୟାଚ । ମ୍ୟାଚ ଦେଖିବା ପାଇଁ ରାଉଲକେଲା ଗସ୍ତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୪ ଟା ୪୫ ରେ ରାଉଲକେଲା ବିମାନବନ୍ଦରରେ ପହଁଚିବେ ମୁଖ୍ୟମନ୍ତ୍ରୀ । ଏହାପରେ ଷ୍ଟାଡିୟମ ନିକଟସ୍ଥ ହକି ଭିଲେଜ ଯିବେ । ସନ୍ଧ୍ୟା ୬.୪୮ ରେ ବିର୍ସା ମୁଣ୍ଡା ଷ୍ଟାଡିୟମରେ ପହଁଚିବେ ମୁଖ୍ୟମନ୍ତ୍ରୀ ।
ଷ୍ଟାଡିୟମ ଭିତରକୁ ଦର୍ଶକଙ୍କ ପାଇଁ କଏନ, ହେଲମେଟ, ପାଣିବୋତଲ ଆଦି ବାରଣ କରାଯାଇଛି । ଷ୍ଟାଡିୟମ ଭିତରେ ଉପଲବ୍ଧ ରହିଛି ଖାଦ୍ୟ-ପାନୀୟ । କେବଳ ଛୋଟ ଛୁଆଙ୍କ ଖାଦ୍ୟ ଓ ଔଷଧ ନେଇପାରିବେ ।
