ଭୁବନେଶ୍ୱର (ଏଟିଆର ବ୍ୟୁରୋ) : ରାଜଧାନୀରେ ଦିନକୁ ଦିନ ଅପରାଧର ସଂଖ୍ୟା ବୃଦ୍ଧି ପାଇଥିବା ବେଳେ ସେମାନଙ୍କୁ ରୋକିବା ପାଇଁ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଉଛି । ଅପରାଧୀମାନଙ୍କୁ ଧରିବାରେ ସଫଳ ହୋଉଛି ମଧ୍ୟ ପୋଲିସ । ଜେଲ ଭିତରେ ରହି ଅପରାଧର କାୟା ବିସ୍ଥାର କରିଥିବା ଗ୍ୟାଙ୍ଗଷ୍ଟରମାନଙ୍କର ସାଥିୀମାନଙ୍କୁ ଧରିବାରେ ମଧ୍ୟ ସଫଳ ହୋଉଛି ପୋଲିସ । ସେହିଭଳି ପୁଣି ୫ଜଣ ଡକାୟତ ଧରାପଡିଛନ୍ତି ପୋଲିସ ହାତରେ ।
ଏନକାଉଣ୍ଟର ପରେ ଧରାପଡିଥିବା ଗ୍ୟାଙ୍ଗଷ୍ଟର ରବି ରାଓର ସହଯୋଗୀ ଥିଲେ ଏହି ୫ଜଣ ଅପରାଧୀମାନେ । ଏହି ୫ଜଣ ହାଇୱେରେ ଲୁଟ ସହ ବିଭିନ୍ନ ସ୍ଥାନରେ ଲୁଟ କରିବାର ଯୋଜନା କରୁଥିବା ବେଳେ କମିଶନରେଟ ପୋଲିସ ଏମାନଙ୍କୁ କାବୁ କରିଛି । ଏମାନଙ୍କ ଠାରୁ ୫ରାଉଣ୍ଡ ଗୁଳି ସହ ଗୋଟିଏ ଦେଶୀ ବନ୍ଧୁକ ମିଳିଛି ଏହା ସହ ଗୋଟିଏ ଖେଳନା ବନ୍ଧୁକ , ୫ଟି ମୋବାଇଲ ଫୋନ, କଟୁରି, ଲଙ୍କାଗୁଣ୍ଡ ପ୍ୟାକେଟ ଆଦି ମିଳିଥିବା ସୂଚନା ମିଳିଛି । ଏହି ୫ଜଣ ଅପରାଧୀଙ୍କ ମଧ୍ୟରୁ ୩ଜଣ ବାହାର ରାଜ୍ୟର ହୋଇଥିବା ବେଳେ ୨ଜଣ ଓଡ଼ିଶାର ଅଟନ୍ତି ଓ ଏମାନଙ୍କ ନାମରେ ବିଭିନ୍ନ ଥାନାରେ ଅନେକ ଏତଲା ଥିବା ମଧ୍ୟ ସୂଚନା ମିଳିଛି ।
