ଭୁବନେଶ୍ୱର(ଏଟିଆରବ୍ୟୁରୋ): ରାତି ଅଧରେ ମହିଳାଙ୍କୁ ହତ୍ୟା ଉଦ୍ୟମ । ହାତ ଗୋଡକୁ କାଟି ପକାଇଲେ ଦୁର୍ବୃତ୍ତ । ଏ ହେଉଛନ୍ତି ସେହି ମହିଳା ଯାହାଙ୍କୁ ଗତକାଲି ବିଳମ୍ବିତ ରାତିରେ ହତ୍ୟା କରିବାକୁ ଯୋଜନା ଚଳାଇଥିଲେ ଦୁର୍ବୃତ୍ତ । ହେଲେ ସୌଭାଗ୍ୟ ଅଳ୍ପକେ ବର୍ତ୍ତିଯାଇଛନ୍ତି ସେ । ଟିକେ ଭଲଭାବେ ନଜର ପକାନ୍ତୁ ଭିଜୁଆଲ ଉପରେ । ହାତ ଗୋଡ ସବୁଠି ଲାଗିଛି ଗଭୀର କ୍ଷତ । ବେକକୁ ବି ବ୍ଲେଡରେ କଟା ଯାଇଛି ।
ଶୌଚ ହେବାକୁ ଯାଇଥିବା ବେଳେ ଏଭଳି ମରଣାନ୍ତକ ଆକ୍ରମଣର ଶିକାର ହୋଇଛନ୍ତି ସୋର ଥାନା ବାଣିସିଆ ଗାଁର ମଞ୍ଜୁଲତା ନାୟକ । ଅଭିଯୋଗ ହୋଇଛି ୨ଜଣ ମୁଖା ପିନ୍ଧା ଦୁର୍ବୃତ୍ତ ଭିଆଇଛନ୍ତି ଏଭଳି ଜଘନ୍ୟ କାଣ୍ଡ । ଖାଲି ତ’ ସେତିକି ନୁହେଁ କୌଣସି ଅଜଣା ଦ୍ରବ୍ୟ ପିଆଇ ଏସିଡ ପକାଇ ତାଙ୍କୁ ପୋଡି ମାରିଦେବାକୁ ମଧ୍ୟ ଚେଷ୍ଟା କରାଯାଇଥିଲା । ଗୁରୁତର ଅବସ୍ଥାରେ ଏବେ ମଞ୍ଜୁଲତାଙ୍କୁ ହସପିଟାଲରେ ଭର୍ତ୍ତି କରାଯାଇଛି । ଏଠି ପ୍ରଶ୍ନ ଉଠିବା ସ୍ୱାଭାବିକ ମୁଖା ପିନ୍ଧା ଦୁଇ ଦୁର୍ବୃତ୍ତମାନେ କିଏ? କାହିଁକି ଭିଆଇଲେ ସେ ଏଭଳି କାଣ୍ଡ? ଏହା ପଛରେ ଆଉ କିଛି ଗୁପ୍ତ ରହସ୍ୟ ଲୁଚି ରହିନି ତ’?
ସେପଟେ ପୂର୍ବ ଶତୃତାକୁ ନେଇ ଏଭଳି କାଣ୍ଡ ଘଟିଥାଇ ପାରେ ବୋଲି ସନ୍ଦେହ କରାଯାଉଛି । ଅଭିଯୋଗ ପାଇବା ପରେ ଏବେ ପୁଲିସ ଘଟଣାର ଖୋଳତାଡ ଆରମ୍ଭ କରିଛି । ଖୁବ ଶୀଘ୍ର ସତ ସାମ୍ନାକୁ ଆସିବ ବୋଲି ଆଶା କରାଯାଉଛି । ବାଲେଶ୍ୱରରୁ ସେ ତାଜି ଉଦିନଙ୍କ ରିପୋର୍ଟ ଏଟିଆର ନ୍ୟୁଜ୍
