ପୋଲସରା(ଏଟିଆର ବ୍ୟୁରୋ): ରାଜ୍ୟରେ ଦିନକୁ ଦିନ ଅପରାଧ ବଢିବାର ଲାଗିଛି । ତେବେ ଦୀପାବଳି ପାଇଁ ସାରା ରାଜ୍ୟରେ କଡା ସୁରକ୍ଷା ବ୍ୟବସ୍ଥା କରାଯାଇଥିଲେ ମଧ୍ୟ ଗତ କାଲି ବିଲମ୍ବିତ ରାତିରେ ପୋଲସରାରେ ସିରିଜ ବୋମା ମାଡ ହୋଇଛି । ସୂଚନା ଅନୁସାରେ କାଲି ରାତିରେ ଦୁଇ ଜଣ ଦୁର୍ବୃତ୍ତ ବୋମା ମାଡ କରିଛନ୍ତି । ପ୍ରଥମେ ଦୁର୍ବୃତ୍ତ ମାନେ ବଜାର ଛକ ନିକଟରେ ଥିବା ମଦ ଦୋକାନ ପାଖରେ ଦୁଇଟି ବୋମା ମାଡ କରିଥିଲେ ।
ଏହା ପରେ ସେମାନେ ବାଲିଘାଇ ଛକ ଓ ରାଣୀପଡା ଛକ ରେ ୩ଟି ବୋମା ମାଡ କରି ବାଇକ ମାଧ୍ୟମରେ ସେଠାରୁ ଫେରାର ହୋଇଯାଇଥିଲେ । ଏହି ବୋମା ମାଡରେ ଦୁଇ ଜଣ ଆହତ ହୋଇଛନ୍ତି । ସେମାନେ ହେଲେ ଅନୀଲ ମଲ୍ଲୀକ ଓ ଶଙ୍କର ବେହେରା । ଅନୀଲଙ୍କ ଆଖିରେ ବୋମା ଟୁକୁଡା ବାଜି ଥିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ପୁରୁଷତ୍ତମପୁର ଏସଡିପିଓ ଓ ପୋଲସରା ଥାନ ଅଧିକାରି ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି । ଘଟଣା ସ୍ଥଳରୁ ଫୁଟିଥିବା ବୋମାର ଟୁକୁଡା ଜବତ କରିଛି ପୋଲିସ ।
