ଜଗତସିଂହପୁର(ଏଟିଆର ବ୍ୟୁରୋ) : ପୁଣି ଗୋରୁ ବେଝୋଇ ଗାଡି ଜବତ ହୋଇଛି । ପୋଲିସ ଆଖିରେ ଦୂଳିଦେଇ ଅତି ଚତୁରତାର ସହ ଗୋ ଚାଲଣ କରୁଛନ୍ତି ଗୋରୁ ମାଫିଆ ମାନେ । ଗୋ ଚାଲାଣକୁ ରୋକିବାକୁ ପ୍ରଶାସନ ପକ୍ଷରୁ ବହୁ ପଦକ୍ଷେପ ନିଆଯାଉଛି । ତେବେ ଆଜି ସକାଳୁ ଜଗତସିଂହପୁର ପୋଲିସ ଗୋ ଚାଲାଣ ବେଳେ ୩ଟି ପିକଅପ ଭ୍ୟାନକୁ ଜବତ କରିଛି । ଏକ ବିଶେଷ ସୂତ୍ରରୁ ଖବର ପାଇ ପୋଲିସ ଏହି ଭ୍ୟାନ ଗୁଡିକୁ ଜବତ କରିଛି ।
ସୂଚନା ଅନୁସାରେ ଗୋ ଚାଲାଣ ଖବର ପାଇ ଜଗତସିଂହପୁର ସଦର ଥାନା ପୋଲିସ ଆଳିପିଙ୍ଗଳ ରାସ୍ତା କାଠପୋଲ ନିକଟରେ ୩ଟି ପିକଅପ ଭ୍ୟାନକୁ ଅଟକାଇଥିଲା । ସେହି ପିକଅପ ଭ୍ୟାନ ମାନଙ୍କୁ ୧୫ ଟି ଗୋରୁ ବହାରିଥିଲା । ଗୋରୁ ମାନଙ୍କୁ ନେଇକି ଯାଉଥିବା ୫ଜଣ ଯୁବକ ମାନଙ୍କୁ ଅଟକ ରଖିଛି ପୋଲିସ । ନିଆଳିରୁ ଗୋରୁ ମାନଙ୍କୁ ନେଇ ରାଜ୍ୟ ବାହାରକୁ ଚାଲାଣ କରାଯାଉଥିବା କଥା ଯୁବକ ମାନଙ୍କ ଠାରୁ ଜଣାପଡିଛି । ବାଲେଶ୍ୱର ଓ ଭଦ୍ରକ ଭଳି ଯାଗାରେ ବାରମ୍ବାର ଗୋ ଚାଲାଣ ଗାଡିକୁ ପୋଲିସ ଜବତ କରୁଥିବାରୁ ନୂଆ ବାଟଦେଇ ଗୋ ଚାଲାଣ କରାଯାଉଥିବା ସନ୍ଦେହ କରାଯାଉଛି । ତେବେ ଏହି ଗୋ ଚାଲାଣ ପଛରେ କାହାର ହାତ ଅଛି ଓ ରାଜ୍ୟ ବାହାରେ ସେମାନଙ୍କୁ କିଏ ସାହାର୍ଯ୍ୟ କରୁଛି ସେ ନେଇ ଅଧିକ ତଦନ୍ତ ଆରମ୍ଭ କରିଛି ପୋଲିସ ।
