ଭୁବନେଶ୍ୱର,(ଏଟିଆର ବ୍ୟୁରୋ): ଜରି ଅଖା ଭିତରେ ପୂରାପୂରି ପ୍ୟାକ କରାଯାଇଥିଲା । ଯେମିତି କି’ କେହି ସନ୍ଦେହ କରିବା କଷ୍ଟକର । ହେଲେ ତା’ ଭିତରେ ଥିଲା ମୃତଦେହ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କଟକର ନୂଆପଡା ଅଞ୍ଚଳରେ ।
ପୁଲିସ ମୃତଦେହକୁ ଜବତ କରି ଘଟଣାର ଖୋଳତାଡ ଆରମ୍ଭ କରିଛି । ଏହା ଏକ ହତ୍ୟାକାଣ୍ଡ ବୋଲି ଅନୁମାନ କରାଯାଉଛି । ସନ୍ଧ୍ୟାରେ ଅଖା ଭିତରେ ମୃତଦେହ ଥିବା ଦେଖି ଲୋକେ ପୁଲିସକୁ ସୂଚନା ଦେଇଥିଲେ । ତେବେ ମୃତଦେହଟି କାହାର ଓ ସେଠାକୁ କିପରି ଆସିଲା ତାହା ସ୍ପଷ୍ଟ ହୋଇନାହିଁ । ସେପଟେ ଏହି ଘଟଣାକୁ ନେଇ ପୂରା ଅଞ୍ଚଳରେ ଆତଙ୍କ ଖେଳିଯାଇଛି ।
