ନବରଂଗପୁର,(ଏଟିଆରବ୍ୟୁରୋ): ଢ଼େରଦିନ ହେବ ଚାଲିଥିବା ଏକ ନକଲି ଖଇନି ଫ୍ୟାକ୍ଟ୍ରିକୁ ଠାବ କରିଛି ପୁଲିସ । ନବରଂଗପୁର ପୁଲିସର ଏହା ଏକ ବଡ଼ ସଫଳତା । ଚଢ଼ାଉ ସମୟରେ ପୁଲିସ ସେଠାରୁ ବିପୁଳ ପରିମାଣର ଖଇନି ସମେତ ସେଥିରେ ବ୍ୟବହୃତ କେମିକାଲ, ବନଦୂର୍ଗା ବ୍ରାଣ୍ଡର ପ୍ୟାକେଟ ସମେତ ମେସିନ ଜବତ କରିଛି । ତେବେ ଜବତ ବନଦୂର୍ଗା କମ୍ପାନୀର ମାଲିକ ହେଉଛନ୍ତି ଆଉ ଜଣେ ବ୍ୟକ୍ତି । କିିଛି ମାସହେବ ତାଙ୍କ ବେପାର ଘାଟା ହେଉଥିବା ସେ ଅନୁଭବ କଲେ ।
eତେବେ କାହିଁକି ଓ କେଉଁ କାରଣରୁ ବେପାର ମାନ୍ଦା ହେଲା ସେନେଇ ସେ କାରଣ ଖୋଜିଲେ । ଦେଖିବା ବେଳକୁ ତାଙ୍କ ବ୍ରାଣ୍ଡର ନକଲି ଖଇନି ମାର୍କେଟକୁ ଆସୁଛି । ସେ ଏନେଇ ପୁଲିସରେ ଅଭିଯୋଗ କରିଥିଲେ । ପିଙ୍କୁ ସାହୁ ନାମକ ଜଣେ ବ୍ୟକ୍ତି ଏହି ଠକାମି କରୁଥିବା ସେ ଅଭିଯୋଗରେ ଦର୍ଶାଇଥିଲେ । ପରେ ପୁଲିସ ଅଚାନକ୍ କାରଖାନା ଉପରେ ଚଢ଼ାଉ କରିଥିଲା । ଅଭିଯୋଗ ଅନୁସାରେ, ଚଢ଼ାଉରେ ମଧ୍ୟ ସେସବୁ ଜିନିଷ ଠାବ ହୋଇଥିଲା । ପିଙ୍କୁକୁ ପୁଲିସ ଅଟକ ରଖି ଅଧିକ ପଚରାଉଚରା କରୁଛି ।
