କଟକ,(ଏଟିଆରବ୍ୟୁରୋ): କଟକରେ ପୁଣି ଏନକାଉଣ୍ଟର୍। ଏଥର ଏନକାଉଣ୍ଟର୍ ଶିକାର ହୋଇଛି ଦୁର୍ଦ୍ଦାନ୍ତ ଅପରାଧୀ ବୁଦ୍ଧିଆ। ପୋଲିସ ସୂତ୍ରରୁ ମିଳିଥିବା ଖବର ଅନୁଯାୟୀ ସେ ଗ୍ୟାଙ୍ଗଷ୍ଟାର ଟିଟୋ ର ସହଯୋଗୀ ଓ ତା ନାଁ ରେ ବିଭିନ୍ନ ଥାନାରେ ୩୦ରୁ ଅଧିକ ଅପରାଧିକ ମାମଲା ରହିଛି। ଗତକାଲି ବିଳମ୍ବିତ ରାତ୍ରିରେ କଟକ ସିଡ଼ି଼ଏ ୧୩ ଅଞ୍ଚଳ ଆଇନ ବିଶ୍ୱ ବିଦ୍ୟାଳୟ ପାଖରେ ବୁଦ୍ଧିଆ ଥିବାର ଠିକଣା ପାଇ ଚାଉଳିଆଗଂଜ ପୋଲିସର ଏକ ଟିମ ସେଠାକୁ ଯାଇଥିଲା।
ପୋଲିସ କୁ ଦେଖିବା ପରେ ବୁଦ୍ଧିଆ ଖସି ଯିବାକୁ ଚେଷ୍ଟା କରିବା ସହ ପୋଲିସ ଉପରକୁ ଗୁଳି ଚଳାଇଥିଲା। ଜବାବରେ ପୋଲିସ ମଧ୍ୟ ନିଜକୁ ବଞ୍ଚାଇବାକୁ ଯାଇ ଗୁଳି ଚଳାଇବାରୁ ବୁଦ୍ଧିଆ ଗୋଡ଼ରେ ଗୁଳି ବାଜି ସେ ଆହତ ହୋଇଥିଲା। ଆହତ ଅବସ୍ଥାରେ ବୁଦ୍ଧିଆକୁ ଡାକ୍ତରଖାନା ରେ ଭର୍ତି କରାଯାଇଛି। ବୁଦ୍ଧିଆ ସହ ଆଉ କାହାର ସଂପର୍କ ରହିଛି ପୋଲିସ ତଦନ୍ତ ଜାରୀ ରଖିଛି। ତେବେ ପୂଜା ପୁର୍ବରୁ ସହରରେ ଏହି ଏନକାଉନ୍ଟର୍ କୁ ସାଧାରଣରେ ପୋଲିସ ଅପରାଧୀଙ୍କ ପ୍ରତି କଠୋର ହୋଇଛି ବୋଲି ଆଲୋଚନା ହେଉଛି।
