ବାଲେଶ୍ୱର (ଏଟିଆର ବ୍ୟୁରୋ): ଦେଖିବାକୁ ପୂରା ସରଳ । ଯେମିତି କିଛି ଜାଣିନି ପିଲାଟା । ଲୋକଙ୍କ ହିସାବରେ ହୁଏତ ସେ କିଛି ଜାଣିନି କାରଣ ସେ ଜଣେ ଦିବ୍ୟାଙ୍ଗ । କିନ୍ତୁ ଏହି ଶାନ୍ତ ସରଳିଆ ଦେଖାଯାଉଥିବା ଦିବ୍ୟାଙ୍ଗ ଯୁବକଙ୍କ କଳା କାରନାମା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ଆଜ୍ଞା ହଁ ନକଲି ଚାବିରେ ବସ୍ ଚୋରି ଅଭିଯୋଗରେ ଜଣେ ଦିବ୍ୟାଙ୍ଗ ଯୁବକ ଅଟକ ।
ଖବରମୁତାବକ, ଗତକାଲି ରାତିରେ ବାଲେଶ୍ୱର ବସ୍ ଷ୍ଟାଣ୍ଡରୁ ଏକ ଘରୋଇ ବସ୍ ଗାୟବ ହୋଇଯାଇଥିଲା । ହୁଏତ ରାତି ହୋଇଥିବାରୁ ବସ୍ ମାଲିକ ପକ୍ଷରୁ କୌଣସି ଅଭିଯୋଗ ହୋଇନଥିଲା । କିନ୍ତୁ ନକଲି ଚାବିରେ ବସ୍ କୁ ଚୋରି କରି ନେଉଥିବା ବେଳେ ଦିବ୍ୟାଙ୍ଗ ଯୁବକ ଜଣକ ଟୋଲ୍ ପ୍ଲାଜାର କର୍ମୀଙ୍କ ହାତରେ ଧରା ପଡିଥିଲେ । କାରଣ ଟୋଲ ଗେଟ୍ ରେ ଫି ମଗା ଯାଇଥିବା ବେଳେ ସେହି ଯୁବକ ଜଣକ ଠିକ୍ ଭାବରେ କଥା କହି ପାରି ନଥିଲେ କି ଟଙ୍କା ବି ଦେଇ ପାରି ନଥିଲେ । ଏହାକୁ ସନ୍ଦେହ କରି ଟୋଲ୍ ଗେଟ୍ ର କର୍ମୀମାନେ ପୋଲିସକୁ ଜଣାଇଥିଲେ । ଘଟଣାସ୍ଥଳରେ ପୋଲିସ ପହଁଚି ଉକ୍ତ ଯୁବକକୁ ପଚରାଉଚରା କରିବା ସହ ବସ୍ ଟିକୁ ଜବତ କରିଥିଲା ।
