ବ୍ରହ୍ମପୁର (ଏଟିଆର ବ୍ୟୁରୋ): ପୁଣି ଗଞ୍ଜାମ ପୋଲିସର ଦବଦବା । ଆକ୍ସନ ମୁଡରେ ରହି ଗୋଟି ପରେ ଗୋଟିଏ ଅପରାଧୀଙ୍କୁ ଧରିବାରେ ସଫଳତା ହାସଲ କରୁଛି । ଗତକାଲି ବିଳମ୍ବିତ ରାତିରେ ପୋଲିସ ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ଜିତୁ ସ୍ୱାଇଁ ଓରଫ ବାଦଲ ଆହତ ହୋଇଛି । ଅପରାଧୀ ଗୋଡରେ ଗୁଳି ବାଜିବାରୁ ତାକୁ ଚିକିତ୍ସା ଲାଗି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଜିତୁ ପାଖରୁ ମୋବାଇଲ, ପିସ୍ତଲ ଏବଂ ବାଇକ୍ ଜବତ କରିଛି ପୋଲିସ ।
ଖବରମୁତାବକ, ଗତକାଲି ବିଳମ୍ବିତ ରାତିରେ ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ରାସ୍ତାରେ ଅପରାଧୀ ଜିତୁ ଓ ତା ସହଯୋଗୀ ମିଶି ଯାଉଥିବାର ପୋଲିସ ଖବର ପାଇଥିଲା । ତା ପରେ ପରେ ପୋଲିସ କିଭଳି ଭାବେ ସେହି ଅପରାଧୀଙ୍କୁ ଧରିବାରେ ସଫଳ ହୋଇପାରିବ । ସେନେଇ ଚାରିଆଡୁ ରାସ୍ତା ବ୍ଲକ୍ କରିଦେଇଥିଲା । ରାସ୍ତାରେ ଜିତୁକୁ ଅଟକାଇବାରୁ ସେ ପୋଲିସକୁ ଗୁଳି ମାରି ଫେରାର ହୋଇଯିବା ପାଇଁ ଚେଷ୍ଟା କରିଥିଲା । କିନ୍ତୁ ପୋଲିସ ତାର ପାଲଟା ଜବାବରେ ଜିତୁ ଉପରକୁ ଗୁଳି ମାରିଥିଲା । ଫଳରେ ପୋଲିସର ଗୁଳିରେ ଦୁର୍ଦ୍ଦାନ୍ତ ଅପରାଧୀ ଖସି ଯାଇ ପାରିନଥିଲା ।
