ଭୁବନେଶ୍ୱର,(ଏଟିଆରବ୍ୟୁରୋ): ପୁଣି ମାତିଲେ ନକ୍ସଲ । କଲେ ଲ୍ୟାଣ୍ଡ ମାଇନ ବିଷ୍ଫୋରଣ । ମାଲକାନାଗିରି ଜିଲ୍ଲା ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାରେ ଲ୍ୟାଣ୍ଡମାଇନ ବିଷ୍ଫୋରଣ ଘଟିଛି । ଘଟଣାରେ ଜଣେ ଯବାନ ଗୁରୁତର ଆହତ ହୋଇଛନ୍ତି । ତାଙ୍କ ନାଁ ନିଲା ଉଦ୍ଦେ ବୋଲି ଜଣାପଡିଛି ।
ବିଜାପୁର ଥାନା ଅନ୍ତର୍ଗତ ମନକେଲି ଗାଁ ନିକଟରେ ଥିବା ଜଙ୍ଗଲରେ ନକ୍ସଲମାନେ ଥିବା ସୂଚନା ମିଳିଥିଲା । ତେଣୁ ଯବାନମାନେ ଆରମ୍ଭ କରିଥିଲେ ସର୍ଚ୍ଚ ଅପରେସନ । ହେଲେ ନକ୍ସଲମାନେ ବାଟରେ ଲ୍ୟାଣ୍ଡମାଇନ୍ ବିଛାଇଥିବା ଘଟଣା ଜାଣିପାରିନଥିଲେ ଯବାନ । ଅଚାନକ୍ ଲ୍ୟାଣ୍ଡମାଇନ ବିଷ୍ଫୋରଣ ହୋଇଥିଲା । ଯେଉଁଥିରେ ଯବାନ ନିଲା ଉଦ୍ଦେ ଆହତ ହୋଇଥିଲେ । ସଂଗେ ସଂଗେ ତାଙ୍କୁ ନିକଟରେ ଥିବା ଏକ ହସପିଟାଲରେ ଭର୍ତ୍ତି କରାଯାଇଛି । ଏବେ ତାଙ୍କ ଅବସ୍ଥା ଭଲ ଥିବା ସୂଚନା ମିଳିଛି । \n
