କଟକ(ଏଟିଆର ବ୍ୟୁରୋ): ପୋଲିସ ପ୍ରସାଶନ କହିବା ଅନୁସାରେ ରାତି ସାର ପୋଲିସ ଭ୍ୟାନ ପାଟ୍ରୋଲିଙ୍ଗ କରୁଛି । ଯଦି ପୋଲିସ ପାଟ୍ରୋଲିଙ୍ଗ କରୁଛି ତେବେ କେଉଁ ଭଳି ପରିସ୍ଥିତିରେ ଅପରାଧି ମାନେ ଗୋଟିଏ ପରେ ଗୋଟିଏ ଘଟଣା ଘଟାଇବାରେ ସଫଳ ହେଉଛନ୍ତି । ଗତ କାଲି ରାତିରେ କଟକ ଚୌଦ୍ୱାରା ଥାନା ଅନ୍ତର୍ଗତ ନୂଆ ପାଟଣା ଛକ ନିକଟରେ ଏକ କାର ଉପରକୁ ଗୁଳି ମାଡ କରି ଦୁବୃର୍ତ୍ତ ମାନେ ସୁନା ଓ ଟଙ୍କା ଲୁଟି ନେଇଛନ୍ତି । ସୂଚନା ଅନୁସାରେ ଗତିକାଲି ରାତିରେ ପୁରୀରୁ ଢେଙ୍କାନାଳ ଯାଉଥିବା ବେଳେ ଏକ କାରକୁ କିଛି ଦୁର୍ବୃତ୍ତ ମାନେ ନୂଆପାଟଣା ଛକ ନିକଟରେ ଥିବା କୁଶପଙ୍ଗୀ ରାଇସ ମିଲ ନିକଟରେ ଅଟକାଇଥିଲେ ।
ଏହା ପରେ ଗାଡି ଚଳାଉଥିବା ଡ୍ରାଇଭର ପ୍ରତାପ ନାୟକଙ୍କୁ ମାଡା ମାରି ଥିଲେ ଦୁର୍ବୃତ୍ତ ମାନେ । ପଛରେ ବସିଥିବା ମହିଳାଙ୍କ ପାଖରୁ ଦୁର୍ବୃତ୍ତ ମାନେ ମଙ୍ଗଳ ସୂତ୍ର ଓ ଭାନିଟ ବ୍ୟାଗ ଛଡାଇ ଥିଲେ । ଏଥିରେ ମହିଳାଙ୍କ ସ୍ୱାମୀ ପ୍ରତିବାଦ କରିବାରୁ ଦୁର୍ବୃତ୍ତ ମାନେ ଗାଡି ଉପରକୁ ଗୁଳି ମାଡ କରିଥିଲେ । ଗୁଳି ମାଡରେ ମହିଳା ଓ ଡ୍ରାଇଭର ଗୁରୁତର ହୋଇଥିବାର ଜଣା ପଡିଛି । ବାରମ୍ବାର ଏହି ଅଞ୍ଚଳରେ ଲୁଟୁ ଘଟୁଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖିବାକୁ ମିଳିଛି । ଏହା ପରେ ଘଟଣା ସ୍ଥଳରୁ ଦୁର୍ବୃତ୍ତ ମାନେ ଫେରାର ହୋଇ ଯାଇଥିଲେ । ଖବର ପାଇ ଗୁରୁଡିଝାଟିଆ ପୋଲିସ ଘଟଣାର ସ୍ଥଳରେ ପହଞ୍ଚି ସେମାନଙ୍କୁ ଉଦ୍ଧାର କରି ଏସିବିରେ ଭର୍ତ୍ତି କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
