କନ୍ଧମାଳ (ଏଟିଆର ବ୍ୟୁରୋ); ଦିନ ଦ୍ୱିପ୍ରହରେ ଯାଉଥିବା ଯୁବକଙ୍କୁ ଧରି ପୋଡିବା ପାଇଁ ଉଦ୍ୟମ କଲେ ଦୁର୍ବୃତ୍ତ । ଯଦିଓ ଭଗବାନଙ୍କ ଦୟାରୁ ଯୁବକ ମୃତାହତ ହୋଇ ନାହାଁନ୍ତି କିନ୍ତୁ ତାଙ୍କ ଶରୀର କିଛି ଅଂଶ ପୋଡିଯାଇଛି । ତେବେ କନ୍ଧମାଳ ଜିଲ୍ଲା ଫୁଲବାଣୀ ରାଜରାସ୍ତାରେ ଏଭଳି ଘଟଣା ଘଟିଥିବା ନଜରକୁ ଆସିଛି । ଦୁର୍ବୃତ୍ତମାନେ କାହିଁକି ଏପରି କରିଛନ୍ତି ତାହା ଜଣାପଡିନାହିଁ । ପୋଲିସ ଖବର ପାଇବା ପରେ ଦୁର୍ବୃତ୍ତଙ୍କୁ ଖୋଜୁଛି ।
ପୋଲିସ ରିପୋର୍ଟ ମୁତାବକ ଗୁରୁବାର ଯୁବକ ଜଣକ ଫୁଲବାଣୀ ରାସ୍ତାରେ ଯାଉଥିବା ବେଳେ ହଠାତ ଦୁର୍ବୃତ୍ତଅଟକାଇଥିଲେ । ଏହାପରେ ସେମାନେ ଧରି ପେଟ୍ରୋଲ ଢ଼ାଳି ଯୁବକଙ୍କ ଦେହରେ ନିଆଁ ଲଗାଇ ଦେଇଥିଲେ । ସ୍ଥାନୀୟ ଲୋକ ଦୌଡିଆସିବା ଦେଖିବା ପରେ ଦୁର୍ବୃତ୍ତମାନେ ଫେରାର ହୋଇଯାଇଥିଲେ । ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ ।
ଖବର ପାଇ ପୋଲିସ ଘଟଣାସ୍ଥଳରେ ପହଁଞ୍ଚିଥିଲା । ଯୁବକଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲା । ଯୁବକଙ୍କ ଅବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ ଭୁବନେଶ୍ୱରକୁ ସ୍ଥାନାନ୍ତରିତ କରାଯାଇଛି । ପୋଲିସ ଘଟଣାର ତନାଘନା ଆରମ୍ଭ କରିଛି । କିଏ ଏବଂ କାହିଁକି ଏଭଳି ଘଟାଇଛି ଅଡୁଆ ସୂତା ଖିଅକୁ ଖୋଲୁଛି ପୋଲିସ । ଅପରପକ୍ଷରେ କେତେକ ଲୋକ କହୁଛନ୍ତି କି ପୂର୍ବ ଶତୃତାକୁ କେନ୍ଦ୍ର କରି କେହି ଏପରି ଘଟାଇଛି ।
