ଭୁବନେଶ୍ୱର ( ଏଟିଆର ବ୍ୟୁରୋ): ଗିରଫ ହେଲା ହତ୍ୟାକାରୀ ନୃଶଂସ ଭାଇ । ଭୁବନେଶ୍ୱର ବାଲିନ୍ତାରେ ହୋଇଥିବା ମର୍ଡର ହତ୍ୟାକାରୀକୁ ଗତକାଲି କମିସନରେଟ ପୋଲିସ ଗିରଫ କରିଛି । ସୂଚନାଯୋଗ୍ୟ ୭ ତାରିଖ ଦିନ ପ୍ରିତମ ରାୟଙ୍କୁ ବିଭତ୍ସ ଭାବେ ହାଣି ହତ୍ୟା କରାଯାଇଥିଲା । ହତ୍ୟାକାରୀର ମୋବାଇଲ ଭିଡିଓ ଫୁଟେଜ ଗଣମାଧ୍ୟମରେ ପ୍ରସାରିତ ହୋଇଥିଲା । ମର୍ଡର ହୋଇଥିବା ପାଖ ଆପାର୍ଟ ମେଣ୍ଟ ସିସିଟିଭି ହାର୍ଡଟିକ୍ସକୁ ପୁଲିସ ଜବତ କରି ତନାଘନା ଆରମ୍ଭ କରିଥିଲା ।
ହତ୍ୟା କରିଥିବା ଯୁବକ ଜଣଙ୍କ ପ୍ରୀତମର ବଡଭାଇ ମାମୁନ ରାଉତରାୟ ବୋଲି ଜଣା ପଡିଥିଲା । ତେବେ ଗତକାଲି କମିସରେଟ ପୁଲିସ ମାମୁନଙ୍କୁ ନଖରା ଅଞ୍ଚଳରୁ ଗିରଫ କରିଛି । ତେବେ ଜମିଜମା କାରଣରୁ ବଡଭାଇ ସାନଭାଇ ଭାଇକୁ ହତ୍ୟା କରିଥିବା ସନ୍ଦେହ କରାଯାଉଥିଲେ ସୁଦ୍ଧା ଏନେଇ କୌଣସି ସ୍ପଷ୍ଟ ଚିତ୍ର ସାମ୍ନାକୁ ଆସିନାହିଁ । ସୂଚନା ଅନୁସାରେ ବଡଭାଇ ବିବାହ କରିଥିବା ବେଳେ ସାନ ଭାଇ ଅବିବାହିତ ଥିଲା ।
ସାନ ଭାଇ ବଡଗଡ ଅଞ୍ଚଳରେ ଏକ ବ୍ୟବସାୟ କରୁଥିଲା । କୌଣସି କାମ ପାଇଁ ବାଲିଅନ୍ତା ଆସିଥିବା ବେଳେ ବଡଭାଇ ସାନଭାଇକୁ କଟୁରିରେ ହାଣି ହତ୍ୟା କରି ଏକ ଟାଙ୍କିକୁ ପକାଇ ଦେଇଥିଲା । ହତ୍ୟା ପରେ ବଡଭଇ ମାମୁନ କାହାକୁ ନଡରି ଛାତି ମୋଟା କରି ହତ୍ୟା କରିଥିବା କଟୂରିକୁ କପଡା ଗୁଡାଇ ଆଣୁଥିବା ବେଳର ଏକ ଭିଡିଓ ଗଣମାଧ୍ୟମରେ ପ୍ରକାଶ ପାଇଥିଲା ।
