ଯାଜପୁର (ଏଟିଆର ବ୍ୟୁରୋ); ଦିନକୁ ଦିନ ବଢ଼ିବାରେ ଲାଗିଛି ଅପରାଧୀଙ୍କ ସଂଖ୍ୟା । ଦିନ ଦ୍ୱିପ୍ରହରରେ ହତ୍ୟା କରି ଚାଲି ଯାଉଛନ୍ତି ଦୁର୍ବୃତ୍ତ । ଯାଜପୁର ଜିଲ୍ଲା ପାଣିକୋଇଲି ବଜାର ବିଶ୍ରାମଗାର ନିକଟରୁ ଜଣେ ଯୁବକଙ୍କ ରକ୍ତ ଜୁଡୁବୁଡୁ ମୃତ ଦେହ ଉଦ୍ଧାର ହୋଇଛି । ତେବେ କେହି ତାଙ୍କ ଗଳା କାଟି ହତ୍ୟା କରିଥିବା ଅନୁମାନ କରିଛି ପୋଲିସ । ତଦନ୍ତ ଆରମ୍ଭ କରିଛି ପୋଲିସ । ମୃତ ଯୁବକ ହେଲେ ପାଣିକୋଇଲି ଅଞ୍ଚଳର ରବିନ୍ଦ୍ର ସାହୁ ।
ରବିବାର ସକାଳେ ପାଣିକୋଇଲି ବଜାରରେ ରବିନ୍ଦ୍ରଙ୍କ ରକ୍ତ ଜୁଡୁବୁଡୁ ମୃତ ଦେହ ପଡି ରହିଥବା ଦେଖିଥିଲେ ସ୍ଥାନୀୟ ଲୋକ । ବଜାର ଉପରେ ମୃତ ଦେହ ପଡିଥିବାରୁ ଲୋକଙ୍କ ଭିଡ ଜମିଥିଲା । ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଁଞ୍ଚି ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି । ତେବେ କିଏ ଏବଂ କାହିଁକି ହତ୍ୟା କରିଛି ତାହା ସ୍ପଷ୍ଟ ହୋଇନାହିଁ ।
ତେବେ କେହି ପୂର୍ବ ଶତୃତାକୁ କେନ୍ଦ୍ର କରି ଏଭଳି ହତ୍ୟା କରିଥିବା ଅନୁମାନ କରୁଛି ପୋଲିସ । ବ୍ୟବଛେଦ ରିପୋର୍ଟ ଆସିବା ପରେ ତଦନ୍ତ ଜୋରଦାର ହେବ ବୋଲି ସୂଚନା ଦେଇଛି ପାଣିକୋଇଲି ପୋଲିସ । ରବିନ୍ଦ୍ରଙ୍କ ମୃତ୍ୟୁରେ ପରିବାର ଲୋକ ସମ୍ପୂର୍ଣ୍ଣ ଭାବରେ ଭାଙ୍ଗି ପଡିଛନ୍ତି ।
