ବାଙ୍ଗିରୀପୋଷି(ରାଜ୍ ଗୁପ୍ତା): ଚୋରା କାଠ ନେଇ ଯାଉଥିବା ବେଳେ ଓଲଟିଲା ପିକଅପ ଭ୍ୟାନ । ବର୍ନକର୍ମଚାରୀଙ୍କ ଦ୍ୱାରା କାଠ ଗଣ୍ଡି ଜବତ । ସୂଚନା ଅନୁସାରେ ଏକ ପିକ ଅପ ଭ୍ୟାନରେ ଚୋରାରେ କାଠ ଗଣ୍ଡି ଚାଲାଣ ହେଉଥିବାର ଖବର ବନାଞ୍ଚଳ ଅଧିକାରୀଙ୍କୁ ମିଳିଥିଲା । ଖବର ପାଇ ଦେଉଳି ବନାଞ୍ଚଳ ଅଧିକାରୀଙ୍କ ନିର୍ଦେଶ କ୍ରମେ କୁଳିଅଣା ଫୋରେଷ୍ଟର ଏବଂ ବାଙ୍ଗିରିପୋଷି ବନ ଅଧିକାରୀ ସେହି ପିକଅପ କୁ ଧରିବାକୁ ଚେଷ୍ଟା କରିଥିଲେ ।
ମାତ୍ର ଗାଡି ଟି ଦ୍ରୁତ ଗତି ରେ ଖସି ଯିବାକୁ ଚେଷ୍ଟା କରୁଥିଲା ବେଳେ ଦେଉଳି ରେଞ୍ଜ ଅଧିନ ବାରମାଇଲ ପାଖରେ ଭାରସାମ୍ୟ ହରେଇ ଓଲଟି ପଡିଥିଲା। ଘଟଣା ସ୍ଥଳରୁ ଗାଡି ଚାଳକ ଫେରାର ହେଇଯାଇଥିଲା ବେଳେ ଜଣକୁ ସନ୍ଦେହରେ ଅଟକ ରଖାଯାଇଛି। ପିକ ଅପ ରେ ୧୭ଟି ନିମ୍ବ ଏବଂ କଇମ କାଠ ଗଣ୍ଡି ଥିବାର ସୂଚନା ମିଳିଛି।ତେବେ କାଠ ର ଆନୁମାନିକ ମୂଲ୍ୟ କେତେ ହେବ ତାହାର ସ୍ପଷ୍ଟ ସୂଚନା ମିଳି ପାରିନି।। କାଠ ମାଫିଆଙ୍କ କାଠ ଚୋରା ଚାଲାଣ ବନାଧିକାରୀଙ୍କ ପାଇଁ ଏକ ଚେଲେଞ୍ଜ ସୃଷ୍ଟି କରିଛି ବୋଲି ସାଧାରଣରେ ଆଲୋଚନା ହେଉଛି।
