କଟକ,(ଏଟିଆର ବ୍ୟୁରୋ): ପୁଣି ଓଲଟିଲା ଯାତ୍ରୀବାହି ବସ । କଟକ ଜବତପୁର ନିକଟରେ ଘଟିଛି ଏକ ମର୍ମନ୍ତୁଦ୍ଦ ଦୁର୍ଘଟଣା । ମହାନଦୀ ତଳକୁ ଖସି ପଡିଛି ବସଟି । ଘଟଣାରେ ତେବେ ଦୁର୍ଘଟଣାରେ ତିନି ଜଣଙ୍କର ମୃତ୍ୟୁ ହୋଇଥିବା ବେଳେ ୨୦ରୁ ଅଧିକ ଯାତ୍ରୀ ଗୁରୁତର ଥିବା ସୂଚନା ମିଳିଛି ।ତେବେ ମତ୍ୟୁସଂଖ୍ୟା ଆହୁରି ବଢିବାର ସମ୍ଭାବନା ରହିଛି । ସେପଟେ ଅଗ୍ନିଶମ ବିଭାଗ ଓ ପୁଲିସ ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କାଯ୍ୟ୍ର ଜାରି ରଖିଛନ୍ତି।
ଚଣ୍ଡିଖୋଲରୁ କଟକ ଆସିବା ବାଟରେ ଦୁର୍ଘଟଣା ଘଟିଛି । କୁହାଯାଉଛି ଏକ ଷଣ୍ଢକୁ ଧକ୍କା ଦେବା ଯୋଗୁଁ ଭାରସାମ୍ୟ ହରାଇ ବସିଥିଲେ ବସ୍ ଡ୍ରାଇଭର । ଫଳସ୍ୱରୂପ ବ୍ରିଜ୍ ବ୍ୟାରିକେଡ୍ ଭାଙ୍ଗି ୨୦ ଫୁଟ୍ ତଳକୁ ଖସିଥିଲା ବସ୍ ।
ପୁଲିସ ଘଟଣାସ୍ଥଳରେ ପହଞ୍ଚି ଘଟଣାର ଖୋଳତାଡ ଆରମ୍ଭ କରିଛି । ଆହତଙ୍କୁ ଚିକିତ୍ସା ଲାଗି ହସପିଟାଲରେ ଭର୍ତ୍ତି କରାଯାଇଛି । ତେବେ ଭାରସାମ୍ୟ ହରାଇବା ଯୋଗୁ ଏହି ଦୁର୍ଘଟଣା ଘଟିଥିବା କୁହାଯାଉଛି ।
ଘଟଣାକୁ ନେଇ ପୂରା ଅଞ୍ଚଳରେ ଏବେ ଚାଞ୍ଚଲ୍ୟ ଖେଳିଯାଇଛି । ରାଜ୍ୟରେ ବାରମ୍ବାର ଯାତ୍ରୀବାହି ବସ ଗୁଡିକ ଦୁର୍ଘଟଣା ଗସ୍ତ ହେଉଛି । ଉଚିତ କାର୍ଯ୍ୟାନୁଷ୍ଠାନ ଅଭାବ ଯୋଗୁ ଏଭଳି ଘଟଣା ବଢ଼ି ଚାଲୁଥିବା ଅଭିଯୋଗ ହୋଇଛି ।
