କଟକ (ଏଟିଆର ବ୍ୟୁରୋ ) ; ତିତଲି ପାଇଁ ଯଜ୍ଞ । ବାତ୍ୟାକୁ ମାତ ଦେବ ହୋମଯଜ୍ଞ । ଆସୁଥିବା ବାତ୍ୟାରେ କିଛି କ୍ଷୟକ୍ଷତି ନ ହେବା ପାଇଁ ହୋଇଛି ହୋମଯଜ୍ଞର ଆୟୋଜନ । ଫୁଲ ଦମରେ ଲାଗି ପଡିଛନ୍ତି ଲୋକେ । ଭଗବାନଙ୍କ ପାର୍ଥନାରେ ବ୍ୟସ୍ତ ପୂରା ସହରବାସୀ । ଏଭଳି ଅଦ୍ଭୁତ ଘଟଣା ଦେଖିବାକୁ ମିଳିଛି କଟକ ସହର ତେଲେଙ୍ଗା ବଜାରରେ । ଜୟ ଜଗନ୍ନାଥ ଚାରଣ ଗୋଷ୍ଠୀ ପକ୍ଷରୁ ଏଭଳି ହୋମ ଯଜ୍ଞର ଆୟୋଜନ କରାଯାଇଛି । ସାରା ରାଜ୍ୟ ସମେତ ବିଶେଷ କରି ତିତଲି ଦାଉରୁ କଟକ ସହର ରକ୍ଷା ପାଇବା ଆଶାରେ ପାର୍ଥନାରେ ବସିଛନ୍ତି କଟକବାସୀ । ଯଜ୍ଞସ୍ଥଳରେ ବହୁ ଲୋକଙ୍କ ସମାଗମ ହୋଇଛି । ସମସ୍ତେ ଆସୁଥିବା ବାତ୍ୟାରେ କିଛି କ୍ଷୟକ୍ଷତି ନ ହେଉ ବୋଲି ଆଶା କରି ଯଜ୍ଞକୁଣ୍ଡରେ ଘିଅ ଦେଇଛନ୍ତି । ସମ୍ପୁର୍ଣ୍ଣ ଆଧ୍ୟାତ୍ମିକ ପରିବେଶ ମଧ୍ୟରେ ଭଗବାନଙ୍କ ପୂଜାରେ ବ୍ୟସ୍ତ ରହିଛନ୍ତି ସ୍ଥାନୀୟ ଲୋକେ । ଯାହା ଏବେ ଚର୍ଚ୍ଚାର ବିଷୟ ପାଲଟିଛି । ସ୍ଥନୀୟ ଲୋକେ ଏଭଳି ଉଦ୍ୟମକୁ ବହୁ ପ୍ରଶଂସା ମଧ୍ୟ କରିଛନ୍ତି ।
