ନୂଆଦିଲ୍ଲୀ(ଏଟିଆର ବ୍ୟୁରୋ): ତୁର୍କୀ-ଇରାନ ବର୍ଡରରେ ଆଜି ଭୟଙ୍କର ଭୂକମ୍ପ ହେବା ଫଳରେ ବର୍ତ୍ତମାନ ସୁଦ୍ଧା ୮ଜଣଙ୍କର ମୃତ୍ୟୁ ହୋଇଛି । ତୁର୍କୀର ପ୍ର୍ରାୟ ୪୨ଟି ଗାଁରେ ଏହି ଭୂକମ୍ପ ଅନୁଭୂତ ହୋଇଛି ।
ଏହି ଭୂକମ୍ପ ରେ ଏକ ହଜାରରୁ ଅଧିକ ଘର ଭାଙ୍ଗି ଥିବା ବେଳେ ୨୧ ଜଣ ଗୁରୁତର ଭାବେ ଆହାତ ହୋଇଛନ୍ତି । ଏପର୍ଯ୍ୟନ୍ତ ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି ।
ତୁର୍କୀର ଡିଜାଷ୍ଟର ମ୍ୟାନେଜମେଣ୍ଟର ସୂଚନା ଅନୁଯାଇ ଭଙ୍ଗା ଘର କିମ୍ବା ବଡ ପଥର ତଳେ ଫସିଥିବା ଲୋକମାନଙ୍କୁ ଉଦ୍ଧାର କରିବା ପାଇଁ ଯଥା ସମ୍ଭବ ପ୍ରୟାସ କରାଯାଉଛି ।
ଆନ୍ତର୍ଜାତୀୟ ଗଣମାଧ୍ୟମର ସୂଚନା ଅନୁସାରେ ଗତ ମାସରେ ମଧ୍ୟ ତୁର୍କୀ ଏପରି ଏକ ଭୟାବହ ଭୂମିକମ୍ପ ହୋଇଥିଲା । ଫଳରେ ସେହି ଭୂମିକମ୍ପରେ ୪୦ ଜଣ ଲୋକଙ୍କର ମୃତ୍ୟୁ ହୋଇଥିଲା ।
