କେନ୍ଦ୍ରାପଡା ( ଏଟିଆର ବ୍ୟୁରୋ): ଆଜି କେନ୍ଦ୍ରାପଡା ପାଟକୁରାରେ ଦେଖିବାକୁ ମିଳିଛି ଏକ ବଡ ରାଜନୈତିକ ସମୀକରଣ । ରାଜ୍ୟ ରାଜନିତୀର ଚର୍ଚ୍ଚିତ ଚେହେରା ଦିଲ୍ଲୀପ ରାୟଙ୍କୁ ଦେଖିବାକୁ ମିଳିଛି ପାଟକୁରାରେ । ତାଙ୍କର ବନ୍ଧୁ ବିଜୟ ମହାପାତ୍ରଙ୍କୁ ନିର୍ବାଚନରେ ସହଯୋଗ କରିବାକୁ ଦିଲ୍ଲୀପ ସେଠାରେ ପହଞ୍ଚିଛନ୍ତି ବୋଲି ଚର୍ଚ୍ଚା ଜୋର ଧରିଛି । ଏହି ଅବସରରେ ଦିଲ୍ଲୀପ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ ସେ ସବୁବେଳେ ବିଜୟଙ୍କ ସହିତ ରହିଛନ୍ତି ।
ସେ ନିର୍ବାଚନରେ ବନ୍ଧୁ ବିଜୟଙ୍କୁ ସହଯୋଗ କରିବେ । ଆହୁରି ମଧ୍ୟ କହିଛନ୍ତି ବିଜୟଙ୍କ ସହିତ ତାଙ୍କର ଯୋଡି ରହିଛି ଆଉ ରହିବ । ରାଉରକେଲା ବାବଦରେ ଦିଲ୍ଲୀପ କହିଛନ୍ତି ଯେ ରାଉରକେଲା ପାଇଁ ତାଙ୍କର ଦୁଇଟି ଦାବି ଥିଲା ଗୋଟେ ଆଇଜିଏଚକୁ ସୁପରସ୍ପେଷାଲିଷ୍ଟ ହସପିଟାଲ କରିବା ଓ ଦ୍ୱିତୀୟ ଥିଲା ବ୍ରାହ୍ମଣୀ ଉପରେ ଦ୍ୱିତୀୟ ସେତୁ ନିର୍ମାଣ । ଯେଉଁ ଦାବି ତାଙ୍କର ପୂରଣ ହୋଇଛି । ସୂଚନାଯୋଗ୍ୟ ବିଜୟଙ୍କୁ ନିର୍ବାଚନରେ ସହଯୋଗ କରିବେ ବୋଲି ଦିଲୀପ ଆଗରୁ ସୂଚନା ଦେଇଥିଲେ
