ବଲାଙ୍ଗୀର ( ଏଟିଆର ବ୍ୟୁରୋ): କକୁର ଖାଉଛି ମଣିଷ ଛୁଆ । ରାସ୍ତାରେ ପଡିଥିବା ଏକ ତିନି ଚାରି ଦିନର ନବଜାତକ ଶିଶୁ କୁ କକୁର ଝୁଣି ଖାଉଥିବାର ଦେଖାଯାଇଛି । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବଲାଙ୍ଗୀର ମହିଷାମୁଣ୍ଡା ପୁରାପାଲ୍ଲୀ ନିକଟରେ । ନବଜାତକ ଶିଶୁଟିକୁ କୁକୁର କୋଉଠୁ ଆଣିଲା ତାହା ବର୍ତ୍ତମାନ ଆଖପାଖ ଅଞ୍ଚଳରେ ପ୍ରମୁଖ ପ୍ରସଙ୍ଗ ପାଲଟିଛି । ତେବେ କୁକୁର ପିଲାଟିର ଅଧା ଖାଇ ଦେଇଥିବା ବେଳେ ପିଲାଟି ପ୍ରୁଅ କି ଝିଅୂ ଜଣାପଡି ନାହିଁ ।
ଗ୍ରାମବାସୀଙ୍କ କହିବା ଅନୁସାରେ ଏହି ଛୋଟ ପିଲାଟିକୁ ରାସ୍ତା ଉପରେ କୁକୁର ଖାଉଥିବା ସେମାନେ ଦେଖିଥିଲେ । ସେତେବେଳେ କୁକୁର ପିଲାଟିର ଅଣ୍ଟା ତଳକୁ ଅଧା ଖାଇ ଦେଇଥିଲା । ଗ୍ରାମବାସୀ ମାନେ ଏ ବିଷୟରେ ପୋଲିସକୁ ଖବର ଦେଇଥିଲେ । ପରେ ପୋଲିସ ଘଟଣା ସ୍ଥଳରେ ପହଞ୍ଚି ଶିଶୁର ମୃତ ଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି । ତେବେ ପିଲାଟି କାହାର ଏ ପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ । ସାଧାରଣରେ ଆଲୋଚନା ହେଉଛି କେହି ଜାଣି ଶୁଣି ପିଲାଟାକୁ ଏଠି ପକାଇଥିଲା । ଯାହାକୁ କୁକୁର ଖାଇଛି ।
