ୱାଶିଂଟନ(ଏଟିଆର ବ୍ୟୁରୋ):ଆମେରିକାର ପୂର୍ବତ୍ତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ନିର୍ମିତ ହୋଟେଲ ଓ କ୍ୟାସିନୋ ଟ୍ରମ୍ପ ପ୍ଲାଜାକୁ ହଜାର ହଜାର ସଂଖ୍ୟାରେ ଡିନାମାଇଟ୍ ଲଗାଇ ଭାଙ୍ଗି ଦିଆଯାଇଛି ।ଏହି ବହୁତଳ ବିଶିଷ୍ଠ ହୋଟେଲକୁ ୩ ହଜାର ଡିନାମାଇଟ ଲଗାଇ ମାଟିରେ ମିଶାଇ ଦିଆଯାଇଛି । ଏହି ବିଲ୍ଟିଂ ଧ୍ୱଂସର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
୧୯୮୪ ମସିହାରେ ଟ୍ରମ୍ପଙ୍କ ଏହି ପ୍ଲାଜାକୁ ଖୋଲାଯାଇ ୨୦୧୪ ରେ ଏହାକୁ ବନ୍ଦ କରିଦିଆଯାଇଥିଲା । ଘୁର୍ଣ୍ଣିବାତ୍ୟାରେ କ୍ଷତିଗ୍ରସ୍ତ ହୋଇ ଟ୍ରମ୍ଫ ପ୍ଲାଜା ଅଟ୍ଟାଳିକା ଅସୁରକ୍ଷିତ ହୋଇପଡିଥିଲା ।ତେଣୁ ଏହାକୁ ଭାଙ୍ଗିବା ପାଇଁ ନିର୍ଦ୍ଦେଶ ଦେଇଥିଲେ ସହରର ମେୟର ମାର୍ଟିନ୍ ସ୍ମାଲ ।
ଟ୍ରମ୍ପଙ୍କ ଏହି ୩୪ ମହଲା ଅଟ୍ଟାଳିକାକୁ ମାତ୍ର ୨୦ ସେକେଣ୍ଡ ମଧ୍ୟରେ ଭଙ୍ଗି ଦିଆଯାଇଥିଲା । ବଡ କଥା ହେଉଛି କି ଏହି ବିଲ୍ଡକୁ ଯେତେବେଳେ ଭଙ୍ଗା ଯାଇଥିଲା ସେହି ସମୟର ହଜାର ହଜାର ଲୋକ ଦେଖିବା ସହ ଏହାର ଲାଇଭ ଟେଲିକାଷ୍ଟ ମଧ୍ୟ ହେଉଥିଲା ।
