ବାଲେଶ୍ୱର ( ଏଟିଆର ବ୍ୟୁରୋ): ସାମାନ୍ୟ ଟିକେ ଯାଗା ପାଇଁ ବଡ ଭାଇ ହାଣିଲା ସାନ ଭାଇକୁ । ଏମିତି ଏକ ନରହତ୍ୟା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ବିଷ୍ଣୁପୁର ଗ୍ରାମରେ । ସୂଚନା ଅନୁସାରେ ଉକ୍ତ ଗ୍ରାମର ବଡଭାଇ କୈଳାସ ମାଝି ଓ ସାନଭାଇ ସୁରେଶ ମାଝିଙ୍କ ମଧ୍ୟରେ କିଛିଦିନ ହେଲା ଜମି ଭାଗ ବଣ୍ଟରାକୁ ନେଇ ବିବାଦ ଳାଗି ରହିଥିଲା । ଏନେଇ ଉଭୟଙ୍କ ମଧ୍ୟରେ ବେଳେ ବେଳେ ଭୟଙ୍କର ପାଟିତ ତୁଣ୍ଡ ବି ହେଉଥିଲା ।
ତେବେ ସାନଭାଇ ନାମରେ ଏକ ଆବାସ ଘର ଆସିଥିଲା । ସାନଭାଇ କେଉଁଠି ଘର କରିବ ସେ ନେଇ ଯାଗା ସ୍ଥିର କରୁଥିଲେ । ସେ କେଉଁ ଯାଗା ଦେଖାଇବ ସେ ନେଇ ବଡଭାଇ ଓ ସାନ ଭାଇ ମଧ୍ୟରେ ପୁଣି ପାଟି ତୁଣ୍ଡ ହୋଇଥିଲା । ତେବେ ଏଥିରେ ବଡଭାଇ କୈଳାସ ଉତକ୍ଷିପ୍ତ ହୋଇ ସାନଭାଇ ସୁରେଶକୁ ଏକ ଭୁଜାଲିରେ ହତ୍ୟା କରିଥିଲା ।
ଗୁରୁତର ଅବସ୍ଥାରେ ସାନ ଭାଇକୁ ଭଦ୍ରକ ମେଡ଼ିକାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ସୁରେଶର ମୃତ୍ୟୁ ଘଟିଛି । ଖବର ପାଇ ଗ୍ରାମରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅଭିଯୁକ୍ତ କୈଳାସ ଫେରାର ହୋଇଯାଇଛି ।
