ଗଞ୍ଜାମ(ଏଟିଆର ବ୍ୟୁରୋ): ଗଞ୍ଜାମ ରମ୍ଭା ଅଞ୍ଚଳରୁ ବିପୁଳ ମାତ୍ରରେ ବିସ୍ଫୋରକ ଜବତ ହୋଇଛି । କ୍ରାଇବ୍ରାଞ୍ଚର ଏସଟିଏଫ ଟିମ ଏକ ଘରେ ବିସ୍ଫୋରକ ଥିବାର ଖବର ପାଇଥିଲା । ଏହା ପରେ ସେଠାରେ ଚଢାଉ କରି ୩୯୨ଟି ବ୍ୟାଗରେ ୧୯୬ କୁଇଣ୍ଟାଲ ର ବିସ୍ଫୋରକ ଜବତ କରିଛି । ସେଥିରେ ଆମୋନିୟ ନାଇଟ୍ରେଟଇ, ୩୨୦୦ ଜିଲୋଟିନ୍ ଷ୍ଟିକ୍, ୧୦୪୦୬ ଡିଟୋନେଟର ଜବତ ହୋଇଛି ।
ବେଆଇନ ଭାବେ ଏହି ବିସ୍ପୋରକ ରଖି ଥିବାରୁ ସରୋଜ ପଟ୍ଟନାୟକ ନାମକ ଜଣେ ଯୁବକକୁ ଗିରଫ କରିଛି କ୍ରାଇମବ୍ରାଞ୍ଚ ଏସଟିଏଫ । ସରୋଜ ନାଁରେ ଦଫା ୪,୫,୬ ଓ ସେକ୍ସନ ୧୨୦ (ବି)ରେ ଗିରଫ କରି କୋର୍ଟ ଚାଲାଣ କରାଯାଇଛି । ପୂର୍ବରୁ ମଧ୍ୟ ବେଆଇନ ଭାବେ ବିସ୍ଫୋରକ ରଖିଥିବା ଅଭିଯୋଗରେ ସରୋଜକୁ ଗିରଫ କରିଥିଲା ପୋଲିସ ।
