ବାଲେଶ୍ୱର (ଏଟିଆର ବ୍ୟୁରୋ): ହୁତୁହୂତୁ ହୋଇ ଜଳୁଛି ଘର । ଭୟାବହ ଅଗ୍ନିକାଣ୍ଡରେ ୪ ବଖରା ଘର ସମ୍ପୂର୍ଣ୍ଣ ଜଳି ପୋଡି ପାଉଁଶ । ଏଭଳି ଖବର ନଜରକୁ ଆସିଛି ବାଲେଶ୍ୱର ଜିଲ୍ଲା ସୋର ବ୍ଲକ୍ ମୋହନପୁର ଗାଁରେ ।
ମୋହନପୁର ଗାଁରେ ରହୁଥିବା ସେଖରୁଷନଙ୍କ ଘରେ ଗତକାଲି ବିଳମ୍ବିତ ରାତିରେ ହଠାତ୍ ନିଆଁ ଲାଗି ଯାଇଥିଲା । ଚାହୁଁ ଚାହୁଁ ନିଆଁ ଚାରିଆଡେ ବ୍ୟାପିଗଲା । ଘଟଣାରେ ଦମକଳବାହିନୀ ପହଁଚି ନିଆଁକୁ ଆୟତ୍ତ କରିଥିଲେ । ଫଳରେ ୪ ବଖରା ଘର ପୂରା ଜଳି ପୋଡି ଛାର୍ ଖାର୍ । ଏହାସହିତ ଲକ୍ଷାଧିକ ଟଙ୍କାର ଧନ ସମ୍ପତ୍ତି ଭସ୍ମୀଭୁତ ହୋଇଯାଇଛି । ନିଆଁ ଲାଗିବାର କାରଣ ଜଣାପଡିନଥିଲେ ମଧ୍ୟ ଏହା ସର୍ଟ ସର୍କିଟ ଯୋଗୁଁ ହୋଇଥାଇ ପାରେ ବୋଲି ଅନୁମାନ କରାଯାଉଛି ।
