ଭଦ୍ରକ ( ଏଟିଆର ବ୍ୟୁରୋ): ଭଦ୍ରକର ବାବା ଆଖଣ୍ଡଳ ମଣିଙ୍କ ମନ୍ଦିରରେ ଭୟାବହ ଅଗ୍ନିକାଣ୍ଡ । ଅଗ୍ନିକାଣ୍ଡରେ ଜଳିଗଲା ମନ୍ଦିରର ଭଣ୍ଡାର ଘର । ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ । ଗତକାଲି ବିଳମ୍ବିତ ରାତିରେ ଅଗ୍ନିକାଣ୍ଡ ହୋଇଥିବା ସୂଚନା । ଖବର ମୁତାବକ ପ୍ରତିଦିନ ଭଳି ଗତକାଲି ସେବାୟତମାନେ ଭଗବାନଙ୍କ ପହଡ ନୀତିକାନ୍ତି ସାରିବା ପରେ ମନ୍ଦିରରେ ତାଲା ପକାଇଥିଲେ । ମାତ୍ର ବିଳମ୍ବିତ ରାତିରେ ହଠାତ ଭଣ୍ଡାର ଘରୁ ଧୂଆଁ ଉଠିଥିଲା । ସକ୍ୟୁରୁଟି ଏହା ଦେଖି ସମସ୍ତଙ୍କୁ ସୂଚନା ଦେଇଥିଲେ ।
ଖବର ପାଇ ଅଗ୍ନିଶମ ବାହିନୀ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିବାକୁ ଦୀର୍ଘ ସମୟ ଚେଷ୍ଟା କରିବା ପରେ ନିଆଁ ଆୟତ୍ତ ହୋଇଥିଲା । ମାତ୍ର ସେତେବେଳକୁ ଭଣ୍ଡାର ଘରେ ଥିବା ସମସ୍ତ ଜନିଷ ଜଳି ପୋଡି ପାଉଁଶ ହୋଇଯାଇଥିଲା । ତେବେ ନିଆଁ କେଉଁ କାରଣରୁ ଲାଗିଛି ତାହା ଏଯାବତ ସ୍ପଷ୍ଟ ହୋଇ ନାହିଁ ।
