ବ୍ରହ୍ମପୁର (ଏଟିଆର ବ୍ୟୁରୋ); ପୁଣି ଗଞ୍ଜାମରେ ଏନକାଉଣ୍ଟର । ଅପରାଧୀର ଡାହାଣ ଗୋଡରେ ବାଜିଛି ଗୁଳି । ଏଥିରେ ଆହତ ହୋଇଛି କୁଖ୍ୟାତ ଅପରାଧୀ ଅନନ୍ତ କୁମାର ମାଛୁଆ । ତା ଘର ନୟାଗଡ ଜିଲ୍ଲା ରଣପୁର ଅନ୍ତର୍ଗତ ମଧୁପୁର ଗାଁରେ । ଅଭିଯୁକ୍ତକୁ ଖଳିକୋଟ ମହାରାଜା ଗଜପତି ମେଡିକାଲରେ ଭର୍ତ୍ତି କରାଯାଇଛି । ଅନନ୍ତ ପାଖରୁ ପୋଲିସ ଗୋଟିଏ ପିସ୍ତଲ,୩ଟି ଫୁଟା ଗୁଳି ଏବଂ ଗୋଟିଏ ବାଇକ ଜବତ କରିଛି ।
ପୋଲିସ ରିପୋର୍ଟ ଅନୁସାରେ ମଙ୍ଗଳବାର ଭୋର ୪ଟା ୪୫ ସମୟରେ ଅନନ୍ତ ଏକ ୟୂନିକର୍ଣ୍ଣ ଗାଡିରେ ଖଲିକୋଟ ବଡଘାଟିରୁ ଗୁଡିଢ଼ିପି ଯାଉଥିବା ସମୟରେ ପୋଲିସ ଅଟକାଇଥିଲା । ତେବେ ଅମାନ୍ୟ କରି ପଳେଇ ଯାଉଥିବା ବେଳେ ପୋଲିସ ବାଧ୍ୟ ହୋଇ ଗୁଳି ଚଳାଇଥିଲା । ଗୁଳି ଅନନ୍ତର ଡାହାଣ ଗୋଡରେ ବାଜିବା ପରେ ସେଠାରେ ଖସି ପଡିଥିଲା ପରେ ପୋଲିସ ଅନନ୍ତକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲା । ତେବେ ଅନନ୍ତ ନାଁରେ ପୂର୍ବରୁ ୧୦ରୁ ଅଧିକ ବିଭିନ୍ନ ଥାନାରେ ଅପରାଧୀକ ମାମଲା ରହିଛି ।
