ଡେଲାଙ୍ଗ (ଏଟିଆର ବ୍ୟୁରୋ): ପୁଣି ଗ୍ୟାସ ଟାଙ୍କି ଜନିତ ଦୁର୍ଘଟଣା । ହୁତୁହୁତୁ ହୋଇ ଜଳିଗଲା ଘର । ଏଭଳି ଏକ ଦୁର୍ଘଟଣା ଘଟିଛି ଡେଲାଙ୍ଗ ବ୍ଲକ୍ ଅନ୍ତର୍ଗତ ସିଙ୍ଗବରମ ଗାଁରେ । ସକାଳୁ ସକାଳୁ ଘଟିଥିବା ଏଭଳି ଅଘଟଣ ଏବେ ପୂରା ଗାଁରେ ଆତଙ୍କ ଖେଳାଇ ଦେଇଛି ।
ରିପୋର୍ଟ ଅନୁସାରେ, ସିଙ୍ଗବରମ ଗାଁରେ ରହୁଥିବା ଶମ୍ଭୁନାଥଙ୍କ ଘରେ ଏଭଳି ଅଘଟଣ ଘଟିଥିବା ଜଣାପଡିଛି । ପତ୍ନୀ ରୋଷେଇ କରୁଥିବା ବେଳେ କୌଣସି କାରଣ ବସତଃ ହଠାତ୍ ଗ୍ୟାସ ଟାଙ୍କିଟି ଲିକ୍ ହୋଇଯାଇଥିଲା । କିଛି ବୁଝିବା ପୂର୍ବରୁ ଅଚାନକ ସେଥିରେ ନିଆଁ ଲାଗିଯାଇଥିଲା । ନିଆଁ ଲାଗିବା ଦେଖି ସମସ୍ତେ ଭୟଭିତ ହେବା ସହ ଜୀବନ ବଞ୍ଚାଇବା ଆଶାରେ ବାହାରକୁ ଦୌଡି ପଳାଇ ଆସିଥିଲେ । ବାସ ଏହାପରେ ଟାଙ୍କିଟି ଫାଟିଯାଇଥିଲା । ସେପଟେ ଅଗ୍ନିକାଣ୍ଡରେ ପୂରା ଘର ଜଳିଯିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ଛାରଖାର ହୋଇଯାଇଛି । ଅଗ୍ନିଶମ ବିଭାଗର କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ସେପଟେ ଘଟଣାସ୍ଥଳରେ ପହଞ୍ଚି ପୂରା ରାଜସ୍ୱ ନିରିକ୍ଷକ ଘଟଣାର ଅନୁଧ୍ୟାନ କରିଛନ୍ତି ।
