ଭୁବନେଶ୍ୱର (ଏଟିଆର ବ୍ୟୁରୋ) ; ସ୍କୁଲ ସାମ୍ନାରେ କିଛି ସମୟ ଜଳିଲା ପରେ ଫୁଟିଲା ଗ୍ୟାସ ଟାଙ୍କି । ଜଳନ୍ତା ଗ୍ୟାସ ଟାଙ୍କିକୁ ଦେଖି ଭୟଭିତ ହୋଇଯାଇଥିଲେ ଛାତ୍ର ଛାତ୍ରୀ । ଏଭଳି ଏକ ଅଭାବନୀୟ ଘଟଣା ପଟିଆ ଅଞ୍ଚଳର ଶ୍ରୀ ଜୟଦେବ ଶିକ୍ଷାକେନ୍ଦ୍ର ସାମ୍ନାରେ ଦେଖିବାକୁ ମିଳିଛି ।
ଆଜି ସକାଳ ୧୦.୩୦ ସମୟରେ ସ୍କୁଲ ସାମ୍ନାରେ ଥିବା ଏକ ଚାହା ଦୋକାନୀର ଗ୍ୟାସଟି ଜଳି ଯାଇଥିଲା । ନିଜର ଉପସ୍ଥିତ ବୁଦ୍ଧି ଖଟାଇ ଦୋକାନରେ ବସିଥିବା ମହିଳା ଜଣଙ୍କ ଜଳନ୍ତା ଗ୍ୟାସ ଟାଙ୍କିକୁ ଦୋକନ ବାହାରକୁ ଫୋପାଡି ଦେଇଥିଲେ । ଜଳନ୍ତା ଗ୍ୟାସକୁ ଦେଖିବା ପରେ ରାସ୍ତାରେ ଯାଉଥିବା ଲୋକମାନେ ଭୟ କରି ରାସ୍ତାର ଉଭୟ ପାଶ୍ୱରେ ଅଟକିି ରହିଥିଲେ ।
କିଛି ସମୟ ଜଳିବା ପରେ ଫାଟିଯାଇଥିଲା ଟାଙ୍କିଟି । ଏହା ପରେ ଗହଳି କମିବା ସହ ଗାଡି ମଟର ଚଳାଚଳ ହୋଇଥିଲା । ତେବେ ମିଳିଥିବା ସୂଚନା ଅନୁସାରେ କାହାର କିଛି କ୍ଷତି ହୋଇନଥିବା ଦେଖିବାକୁ ମିଳିଛି ।
ରିପୋର୍ଟ : ଗୁଣନିଧି ବେହେରା
