ଭୁବନେଶ୍ୱର ( ଏଟିଆର ବ୍ୟୁରୋ): ରାଜ ରାସ୍ତାରେ ଗୁଣ୍ଡାଗିରି । କୌଣସି ଉପାନ୍ତ ଏରିଆ ନୁହଁ ଖୋଦ ରାଜ୍ୟ ରାଜଧାନୀ ଭୁବନେଶ୍ୱରର ରସୁଲଗଡ ଛକରେ ଆତଙ୍କ ଦିନ ଦୁଇ ପ୍ରହରେ ବିଚ୍ ରାସ୍ତା ଉପରେ ସମସ୍ତଙ୍କ ଆଖି ଆଗରେ ଯୁବକଙ୍କ ଦାଦାଗିରି । ତାହା ପୁଣି ସାମନ୍ୟ ଯୁକ୍ତି ତର୍କକୁ ନେଇ । ସୂଚନା ଅନୁସାରେ ରାଜଧାନୀ ଭୁବନେଶ୍ୱର ରସୁଲଗଡରେ ସାମାନ୍ୟ ଯୁ୍କ୍ତିତର୍କ ପାଇଁ ବନ୍ଧୁକ ଦେଖାଇଲେ ଯୁବକ । ବନ୍ଧୁକ ଦେଖାଇଥିବା ଯୁବକ ଜଣଙ୍କ ହେଉଛନ୍ତି ଅରବିନ୍ଦ ମିତ୍ର ।
ରସୁଲଗଡ ଛକରେ ସାମ୍ନାରୁ ଗାଡି ହଟାଇବାକୁ ଜଣେ ଯୁବକଙ୍କୁ କହିଥିଲେ ଅରବିନ୍ଦ କିନ୍ତୁ ଯୁବକ ଜଣଙ୍କ ଠିକ ନିୟମରେ ଥିବାରୁ ଆଗରୁ ହଟି ନଥିଲେ । ଯାହାକୁ ନେଇ ଉଭୟ ଅରବିନ୍ଦ ଓ ଯୁବକଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଯେଉଁଥିରେ ଉତକ୍ଷିପ୍ତ ହୋଇ ଅରବିନ୍ଦ ପାଖରେ ରଖିଥିବା ବନ୍ଧୁକକୁ ବାହାର କରି ଯୁବକଙ୍କୁ ଦେଖାଇଥିଲେ । ଏହାପରେ ବେଶ କିଛି ସମୟ ପାଇଁ ରସୁଲଗଡ ଛକରେ ସୃଷ୍ଟି ହୋଇଥିଲା ଆତଙ୍କରାଜ ।
ଘଟଣା ସ୍ଥଳରେ ଉପସ୍ଥିତ ଥିବା ସ୍ଥାନୀୟ ଲୋକେ ଅରବିନ୍ଦଙ୍କୁ କାବୁ କରି ମଞ୍ଚେଶ୍ୱର ପୋଲିସକୁ ଖବର ଦେଇଥିଲେ । ମଞ୍ଚେଶ୍ୱର ପୋଲିସ ଘଟଣା ସ୍ଥଳରେ ପହଞ୍ଚି ଅରବିନ୍ଦଙ୍କୁ ଥାନାକୁୁ ଆଣି ଅଟକ ରଖିଛି । ପୋଲିସର ଅଧିକ ତଦନ୍ତ ସ୍ପଷ୍ଟ କରିବ ଯେ ଅଭିଯୁକ୍ତ ଅରବିନ୍ଦ ମିତ୍ର ଦେଖେଇ ଥିବା ବନ୍ଧୁକଟି ଅସଲି କି ନକଲି ? ଯଦି ଅସଲି ଏହାର ଲାଇସେନ୍ସ ଅଛି କି ନାହିଁ? ଯଦି ନାହିଁ ଏହି ବନ୍ଧୁକକୁ ଆଉ କେଉଁ କେଉଁ ଅପରାଧିକ ମାମଲାରେ ଅରବିନ୍ଦ ବ୍ୟବହାର କରିଛନ୍ତି ତାହା ଜଣା ପଡିବ ।
