ମୟୁରଭଞ୍ଜ ( ଏଟିଆର ବ୍ୟୁରୋ): ଗଛରୁ ମିଳିଲା ଯୁବକଙ୍କ ମୃତ ଦେହ । ତେନ୍ତୁଲି ଗଛରେ ଝୁଲୁଛି ଶବ । ପାଖରେ ପଡିଛି ଚପଲ ଓ ସାଇକେଲ । ହତ୍ୟା ନାଁ ଆତ୍ମ ହତ୍ୟା! ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ରାଇରଙ୍ଗପୁର ଥାନା କଣ୍ଟାବଣୀ ଗାଁ ମୁଣ୍ଡରେ। ଆଜି ସକାଳୁ ଗାଁ ମୁଣ୍ଡ ଖେଳ ପଡିଆ ନିକଟରେ ଥିବା ଏକ ତେନ୍ତୁଲି ଗଛରେ ଜଣେ ଯୁବକଙ୍କ ଯୁଲନ୍ତା ଶବ ଦେଖିବାକୁ ମିଳିଛି । ଗ୍ରାମବାସୀ ମାନେ ସକାଳେ ପ୍ରଥମେ ଏହି ଘଟଣା ଦେଖିବା ପେରେ ପୋଲିସକୁ ସୂଚନା ଦେଇଥିଲେ ।
ମୃତ ଯୁବକ ଜଣଙ୍କ ମୁଁହରେ କଳା କନା ଗୁଡା ହୋଇଥିବାରୁ ଯୁବକର ପରିଚୟ ଏଯାବତ ମିଳି ନାହିଁ । ତେବେ ମୃତକଙ୍କ ପାଖରେ ଏକ ସାଇକେଲ ଓ ହଳେ ଚପଲ ପଡିଥିବା ଦେଖିବାକୁ ମିଳିଛି । ତେବେ ଏହା ଆତ୍ମହତ୍ୟା ନାଁ ହତ୍ୟା ତାହା ସନ୍ଦେହରେ ଅଛି । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଗତ କାଲି ବିଳମ୍ଭିତ ରାତିରେ ଏହି ଘଟଣା ଘଟିଥିବା ଅନୁମାନ କରାଯାଉଛି ।
ତେବେ ଶବ ବ୍ୟବଚ୍ଛେଦ ପରେ ଜଣା ପଡିବ ଏହା ହତ୍ୟା ନାଁ ଆତ୍ମ ହତ୍ୟା । ତେବେ ସାଧାରଣରେ ଏହା ଏକ ପ୍ରାୟୋଜିତ ହତ୍ୟା , କେହି ଦୃବୁର୍ତ୍ତ ହତ୍ୟା କରି ସାରିବା ପରେ ଘଟଣାକୁ ଆତ୍ମହତ୍ୟାର ରୂପ ଦେବା ପାଇଁ ଶବ ଟିକୁ ତେନ୍ତୁଲି ଗଛରେ ଟାଙ୍ଗି ଦେଇଥିବା ଚର୍ଚ୍ଚା ଜୋର ଧରିଛି ।
