ଭୁବନେଶ୍ୱର ( ଏଟିଆର ବ୍ୟୁରୋ): ଗତକାଲି ଠାରୁ ରାଜ୍ୟରେ ଲଗାଣ ବର୍ଷା ଲାଗି ରହିଛି । ଯାହାର ପ୍ରଭାବରେ ୨ ଦିନ ହେଲା ପୁରା ଓଡିଶା ବେହାଲ ପେହଶି ପଡିଛି । ତେବେ ଏହି ବର୍ଷା ଆହୁରି ୪୮ ଘଣ୍ଟା ପର୍ଯ୍ୟନ୍ତ ଲାଗି ରହିବ ବୋଲି ପାଣିପାଗ ବିଭାଗ ସୂଚନା ଦେଇଛି । ଆଜି ଉପକୂଳ ଓଡିଶାରେ ପ୍ରାୟ ଜିଲ୍ଲାରେ ବର୍ଷା ଲାଗି ରହିଛି । ଆସନ୍ତା କାଲି ମଧ୍ୟ ଏମିତି ବର୍ଷା ଲାଗି ରହିବ ବୋଲି ଅନୁମାନ କରାଯାଉଛି ।
ତେବେ ଆଜିର ବର୍ଷାରେ ଭୁବନେଶ୍ୱରର ବିଭିନ୍ନ ସ୍ଥାନରେ ଘରେ ମଧ୍ୟ ଡ୍ରେନ ପାଣି ପଶି ଯାଇଛି । ସେହିଭଳି ପ୍ରବଳ ବର୍ଷାରେ ଗଜପତି ଜିଲ୍ଲା ପାରଳାଖେମୁଣ୍ଡି ତିପିସିଂ-କୁଲମ ମଧ୍ୟରେ ଥିବା ଏକ ପାହାଡ ଭୁଶୁଡିବା ଫଳରେ ୪ଟି ଘର ଓ ଘରର ଅନେକ ସମାଗ୍ରୀ ନଷ୍ଟ ହୋଇଯାଇଛି। ଅନ୍ୟପଟେ ରାୟଗଡାରେ ମଧ୍ୟ ଗୁଣପୁର ବ୍ଲକ ପୁଟାସିଂ ନିକଟ ରେଜିଙ୍ଗତାଲ ଘାଟିରେ ବଡ଼ ବଡ଼ ପଥର ଖଣ୍ଡ ପାହାଡ଼ ଉପରୁ ଖସି ପଡିଛି ।
