ମସ୍କଟ (ଏଟିଆର ବ୍ୟୁରୋ) ; ଏସିଆନ ଗେମ୍ସରେ ସ୍ୱର୍ଣ୍ଣ ପଦକ ବିଜେତା ଜାପାନକୁ ୯-୦ ଗୋଲରେ ହରାଇ ଭାରତ ଗୋଟିଏ ମ୍ୟାଚ ଆଗରୁ ସେମିରେ ସେମିଫାଇନାଲ ପାଇଁ ନିଜର ଜାଗା ପକ୍କା ନେଇଛି । ଏହି ବିଜୟ ସହ ଭାରତ ନିଜର ବିଜୟଧାରା ଜାରି ରଖିଛି । କାରଣ ପୂର୍ବ ୨ଟି ଲିଗ ମ୍ୟାଚରେ ଓମାନ ଓ ପାରିବାରିକ ପ୍ରତିଦ୍ୱନ୍ଦି ପାକିସ୍ତାନକୁ ମାତ ଦେଇଧୂଳି ଚଟାଇଥିବା ଦେଖିବାକୁ ମିଳିଥିଲା । ଏହି ୩ଟି ମ୍ୟାଚ ବିଜୟ ଫଳରେ ଭାରତ ୯ ପଏଣ୍ଟ ସହ ସେମିରେ ନିଜ ସ୍ଥାନକୁ ହାତେଇ ନେଇଛି ।
ଆସନ୍ତା କାଲି ଭାରତ ଶେଷ ମ୍ୟାଚରେ ମ୍ୟାଲେସିଆକୁ ଭେଟିବ । ତେବେ ଏସିଆନ ଗେମ୍ସରେ ମ୍ୟାଲେସିଆ ସୁଟ ଆଉଟରେ ଭାରତକୁ ପରାସ୍ତ କରିଥିଲା ,ଏଣୁ ପ୍ରତିଶୋଧ ନେବା ଆଶାରେ ଭାରତ ମ୍ୟାଲେସିଆକୁ ଭେଟିବ । ବର୍ତ୍ତମାନ ଭାରତୀୟ ଖେଳାଳୀମାନେ ଫର୍ମ ଥିବାରୁ ଭାରତୀୟ ହକି ଦଳ ଚାମ୍ପିୟନ ହେବାର ଆଶା ରଖିଛି ।
