ଜଗତସିଂହପୁର (ଏଟିଅଆର ବ୍ୟୁରୋ): ଜଗତସିଂହପୁର ସାଁପୁର ପଞ୍ଚାୟତ ସାମାଛକ ଠାରେ ଏକ ନବଜାତକ ଶିଶୁର ମୃତଦେହ ଉଦ୍ଧାର କରାଯାଇଛି । ସୂଚନା ଅନୁସାରେ ଆଜି ସକାଳେ ପାଖ ୧୦ ନଂ କେନାଲ ପୋଲ ତଳେ ଗୋଟେ ଶିଶୁ ପୁତ୍ରୀର ମୃତ ଦେହ ପଡିଥିବାର ସ୍ଥାନୀୟ ଲୋକ ଦେଖିଥିଲେ ।
ଏବଂ ପରେ ପୋଲିସକୁ ଖବର କରିଥିଲେ । ଶିଶୁଟିକୁ ଆଣି ସେଠି କିଏ ଓ କାହିଁକି ପକାଇଲା ତାହା ଏପର୍ଯ୍ୟନ୍ତ ଜଣା ପଡିନାହିଁ । ଝିଅ ଶିଶୁଟି ହେଉ ଅବା ଅନୈତିକ ସମ୍ପର୍କରୁ ପିଲାଟି ଜନ୍ମ ନେଇଥିବାରୁ କେହି ମାରି ଫୋପାଡି ଦେଇଛି ବୋଲି ସାଧାରଣରେ ସନ୍ଦେହ କରାଯାଉଛି ।
