ବ୍ରହ୍ମପୁର (ଏଟିଆର ବ୍ୟୁରୋ ) ; ଭିଜିଲାନ୍ସ ହାତରେ ଧରାପଡିଲା କୋଟିପତି ଜେଇ । ଚଢାଉ କରି ଲକ୍ଷଲକ୍ଷ ଟଙ୍କା ଜବତ କଲା ଭିଜିଲାନ୍ସ । ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଆଜି ଗୁଣୁପୁର ଆଇଟିଡିଏର କନିଷ୍ଠ ଯନ୍ତ୍ରୀ ଗଗନ ପତିଙ୍କ ଘରେ ଆଜି ଭିଜିଲାନ୍ସ ଚଢାଉ କରିଛି । ଗଗନ ପତିଙ୍କ ବ୍ରହ୍ମପୁର ସିଦ୍ଧାର୍ଥ ନଗର ସ୍ଥିତ ବାସଭବନ ଉପରେ ଭିଜିଲାନ୍ସ ଚଢାଉ କରି ୩୦ ଲକ୍ଷ ଟଙ୍କା ଜବତ କରିଛି । ଖାଲି ସେତିକି ନୁହେଁ ଏହାସହ ପାଖାପଖି ୬ ଲକ୍ଷ ଟଙ୍କାର ସୁନା ଅଳଙ୍କାର ମଧ୍ୟ ଜବତ କରିଛି ଭିଜିଲାନ୍ସ ।
ସେପଟେ ଗଗନଙ୍କ ପୈତୃକ ଘର ଓ ଶଶୁର ଘରେ ମଧ୍ୟ ଭିଜିଲାନ୍ସ ଚଢାଉ କରିଥିବା ସୂଚନା ମିଳିଛି । ସେହିପରି ଜେଇ ଗଗନ ପତିଙ୍କ ଗୁଣୁପୁରରେ ଥିବା ସରକାରୀ କାର୍ଯ୍ୟାଳୟ ଓ ମୁନିଗୁଡାରେ ଥିବା ସରକାରୀ ବାସଭବନରେ ମଧ୍ୟ ଭିଜିଲାନ୍ସ ଏକାସଙ୍ଗେ ଚଢାଉ କରିଛି । ସେଠାରୁ ୨ଲକ୍ଷ ୩୦ ହଜାର ଟଙ୍କା ସହ ବହୁ ଗୁରୁତ୍ୱପୂର୍ଣ୍ଣ କାଗଜ ପତ୍ର ଭିଜିଲାନ୍ସ ଜବତ କରିଥିବା ସୂଚନା ମିଳିଛି ।
।
