ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତା ୧ ତାରିଖ ଠାରୁ ଆରମ୍ଭ ହେବ ମାଘମେଳା । ଯାତ୍ରା କଳକାରଙ୍କ ସଂଳାପରେ ଦୁଲୁକିବ ମଞ୍ଚ । ଏନେଇ ମଧ୍ୟ ଖଣ୍ଡଗିରିରେ ବିଭିନ୍ନ ଯାତ୍ରା କମିଟି ମାନଙ୍କ ପକ୍ଷରୁ ପ୍ରସ୍ତୁତି ଜୋରଦାର ହେଲାଣି । ରାଜ୍ୟର ନାମୀଦାମି ଯାତ୍ରା ଅନୁଷ୍ଠାନ ସେମାନଙ୍କୁ ଚର୍ଚ୍ଚିତ ନାଟକ ପ୍ରଦର୍ଶିତ କରିବେ । କଳାକାର ନାଟ୍ୟକାର, ନିର୍ଦେଶକଙ୍କର ହେବ କିଣାବିକା । ତେବେ ଏଥର କିନ୍ତୁ ବିଏମସି ପକ୍ଷରୁ ଅଶ୍ଲୀଳ ନୃତ୍ୟକୁ ବ୍ୟାନ କରାଯାଇଛି ।
କୌଣସି ଅନୁଷ୍ଠାନ ମାଘମେଳାରେ ଅଶ୍ଲୀଳ ନୃତ୍ୟ ପରିବେଶଣ କରି ପାରିବେ ନାହିଁ ବୋଲି ତାଗିଦ କରାଯାଇଛି । ଏନେଇ ଯାତ୍ରା କମିଟି ଓ ବିଏମସି ମଧ୍ୟରେ ଆଲୋଚନା ମଧ୍ୟ ହୋଇ ସାରିଛି । ଫେବୃଆରୀ ୧ ରୁ ଆରମ୍ଭ ହୋଇ ୧୬ ତାରିଖ ପର୍ଯ୍ୟନ୍ତ ଚାଲିବ ।
