ଭୁବନେଶ୍ୱର (ଏଟିଆର ବ୍ୟୁରୋ): ଆଜିଠୁ ଆରମ୍ଭ କୋଣାର୍କ ମହୋତ୍ସବ । ଏନେଇ ସଜେଇ ହୋଇଛି କୋଣାର୍କ । ଏହି ବିଶ୍ୱ ପ୍ରସିଦ୍ଧ କୋଣାର୍କ ମହୋତ୍ସବ ଆସନ୍ତା ଡିସେମ୍ବର ୫ ତାରିଖ ଯାଏଁ ଚାଲିବ । ସେହିପରି ଚନ୍ଦ୍ରଭାଗାର ସ୍ୱର୍ଣ୍ଣାଭ ବେଳାଭୂମିରେ ଆରମ୍ଭ ହେବ ଅନ୍ତର୍ଜାତୀୟ ବାଲୁକା କଳା ଉତ୍ସବ । ଏଥିପାଇଁ ରାଜ୍ୟର କୋଣ ଅନୁକୋଣରୁ ଅନେକ ସୁନାମଧନ୍ୟ ବାଲୁକାଶିଳ୍ପୀ ବାଲୁକା କଳା ପ୍ରଦର୍ଶନ ପାଇଁ ଆସିବେ । କୋଭିଡ ନିୟମ ପାଳନ ପୂର୍ବକ ଏହି କୋଣାର୍କ ମହୋତ୍ସବ ପାଳନ କରାଯିବ ।
ହାଇକୋର୍ଟଙ୍କ ନିର୍ଦ୍ଦଶ କ୍ରମେ ପର୍ଯ୍ୟଟନ ସଚିବ, ପର୍ଯ୍ୟଟନ ନିର୍ଦ୍ଦେଶକ ଏବଂ ପୁରୀ ଜିଲ୍ଲାପାଳ ପ୍ରମୁଖ କୋଣାର୍କ ଏବଂ ଚନ୍ଦ୍ରଭାଗାର ସମସ୍ତ ପ୍ରସ୍ତୁତି କାର୍ଯ୍ୟ ସମୀକ୍ଷା କରିଛନ୍ତି । ଏହାସହିତ ନୃତ୍ୟ ପରିବେଷଣ ପାଇଁ କୋଣାର୍କ ମୁକ୍ତାକାଶ ରଙ୍ଗମଞ୍ଚ ସଜା ଯାଇଛି ।
ଅନ୍ୟପଟେ ଟ୍ରାଫିକ ସମସ୍ୟା କିଭଳି ନଉପୁଜିବ ସେନେଇ ଜିଲ୍ଲା ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥାମାନ କରାଯାଇଛି ।
