କଟକ (ଏଟିଆର ବ୍ୟୁରୋ) ; ଆଇନଜୀବି ଦେବୀ ପ୍ରସାଦ ପଟ୍ଟନାୟକଙ୍କୁ ପୋଲିସ ମାଡ ମାରିଥିବା ଅଭିଯୋଗ କାରଣରୁ ହୋଇଥିବା କାର୍ଯ୍ୟବନ୍ଦ ଆନ୍ଦୋଳନ ଜାରି ରହିଛି । ମାଡ ମାରିଥିବା ଅଭିଯୁକ୍ତ ପୋଲିସକୁ ଗିରଫ ଦାବୀରେ ଅଗଷ୍ଟ ୨୯ରୁ ଆରମ୍ଭ ହୋଇଥିଲା ଆଇନଜୀବି ମାନେ ଅଡି ବସିଛନ୍ତି । ଆଉ ତିନି ଦିନ ପରେ ଏହି ଆନ୍ଦୋଳନକୁ ଦୁଇ ମାସ ପୁରିବ । ଆଇନଜୀବିଙ୍କ କୋର୍ଟ ବର୍ଜନ ପାଇଁ ହାଇକୋର୍ଟ,କ୍ୟାଟ,ସାର୍ଟ,ଡିଆଟି ଏବଂ ବିଭିନ୍ନ ଜିଲ୍ଲା ଅଦାଲତର କାର୍ଯ୍ୟ ବନ୍ଦ ରହିଛି । ଆଜି ଅପରାହ୍ନରେ ହାଇକୋର୍ଟ ବାର ଆସୋସିଏସନ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ । ଏହି ବୈଠକରେ ଆଇନଜୀବିଙ୍କ କାର୍ଯ୍ୟପନ୍ଥା ସମ୍ପର୍କରେ ନିଷ୍ପତ୍ତି ନିଆଯିବ ।ତେବେ ନିଜ ଜିଦିରେ ଅଟଳଥିବା ଆଇନଜୀବିଙ୍କ ପାଇଁ କଣ ନିଷ୍ପତ୍ତି ନିଆଯିବ ଏହା ଉପରେ ସମସ୍ତଙ୍କ ନଜର ରହିଛି ।
