ଭୁବନେଶ୍ୱର (ଏଟିଆର ବ୍ୟୁରୋ): ଆଜିଠାରୁ ରାଜ୍ୟରେ ଆଉ ୯ ଟି ଜିଲ୍ଲାକୁ ଲକ ଡାଉନ କରାଯାଇଛି । ଆଜି ସକାଳୁ ପୋଲିସ ନୂଆ ଲକ ଡାଉନ ଘୋଷଣା ହୋଇଥିବା ଜିଲ୍ଲା ଗୁଡିକୁ କଡାକଡି କରିଛନ୍ତି । ଆଜି ସକାଳୁ ସ୍ୱଚ୍ଛାକୃତ ଭାବେ ଲୋକମାନେ ଏହି ଲକ ଡାଉନକୁ ସମର୍ଥନ କରୁଥିବା ଦେଖିବାକୁ ମିଳିଛି । ଗତକାଲି ରାଜ୍ୟ ସରକାରଙ୍କ ଘୋଷଣା ଅନୁସାରେ ଆଜି ପୁରୀ, ନୟାଗଡ, ଜଗତସିଂହପୁର, ଯାଜପୁର, ଭଦ୍ରକ, ବାଲେଶ୍ୱର, ଢେଙ୍କାନାଳ, ସମ୍ବଲପୁର, ଝାରସୁଗୁଡାର ସବୁ ଅଞ୍ଚଳକୁ ଲକ ଡାଉନ ଘୋଷଣା କରାଯାଇଛି ।
ପୁଲିସ ମଧ୍ୟ ଏହିସବୁ ଜିଲ୍ଲା ମାନଙ୍କରେ ଯାଞ୍ଚ କଡାକଡି କରିଛି । ଜନଗହଳି ଉପରେ ରୋକ ଲଗାଇବା ପାଇଁ ପାଟ୍ରୋଲିଙ୍ଗ ମଧ୍ୟ କରାଯାଉଛି । ସକାଳୁ ସକାଳୁ ଲୋକମାନେ ବାହାରେ ବୁଲାବୁଲି କରୁଥିଲେ । ଏହି ସମୟରେ ପୋଲିସ ସାଧାରଣ ଲୋକଙ୍କୁ ବୁଝାସୁଝା କରି ପୋଲିସ ଘର ଭିତରେ ରହିବାକୁ ନିବେଦନ କରିଥିବା ଦେଖିବାକୁ ମିଳିଛି । ଆଜି ସିଟି ବସ ଗୁଡିକୁ ମଧ୍ୟ ଅନିଦ୍ଧିଷ୍ଟ କାଳ ପାଇଁ ବନ୍ଦ କରାଯାଇଛି ।
