ଭୁବନେଶ୍ୱର (ଏଟିଆର ବ୍ୟୁରୋ) ; ଓଡିଶା ପ୍ରେମରେ ବଲିଉଡର ଧକ୍ ଧକ୍ ଗାର୍ଲ ମାଧୁରୀ ଦିକ୍ଷିତ । ପୂର୍ବରୁ ଭାରତରେ ଆୟୋଜିତ ହୋଇଥିବା ଦୁଇଟି ବିଶ୍ୱକପଠାରୁ ଖୁବ ଧୁମଧାମରେ ଆୟୋଜିତ ହୋଇଥିବା ଏତେ ବଡ ଟୁର୍ଣ୍ଣାମେଣ୍ଟ ପାଇଁ ରାଜ୍ୟ ସରକାର ତଥା ଓଡିଶାର ମୁଖ୍ୟମନ୍ତ୍ରୀଙ୍କୁ ଖୁବ ପ୍ରଂଶସା କରିଛନ୍ତି । ସେପଟେ ମାଧୁରୀଙ୍କ ଓଡିଶା ପ୍ରତିଥିବା ଆଉ ଏକ ପ୍ରେମ ନଜରକୁ ଆସିଛି । ରାଜଧାନୀର ମାଷ୍ଟର କ୍ୟାଣ୍ଟିନ ସ୍ଥିତ ଏକ ନାମୀ ଗହଣା ଦୋକାନରୁ ତାରକସି କାମର ଗହଣା କିଣିଛନ୍ତି । ଏଥିରୁ ସ୍ପଷ୍ଟ ଜଣାପଡିଯାଉଛି କି ମାଧୁରୀଙ୍କର ଓଡିଶାର କଳାକାରିଗରି ପ୍ରତି କେତେ ଭଲ ପାଇବା ଅଛି ।
ଏହା ସହ ଜଗନ୍ନାଥ ଓ ଗଣେଷଙ୍କ ତାରକାସୀ କାମର ମୂର୍ତି ନେଇଛନ୍ତି ମାଧୁରୀ । ପାଖାପାଖି ୭୦ ହଜାର ଟଙ୍କାର ସୁନାଅଳଙ୍କାର ମାଧୁରୀ କିଣିଥିବା ଜଣାପଡିଛି । ମାଧୁରୀଙ୍କ ଦେଖିବାକୁ ମାଷ୍ଟରକ୍ୟାଂଟିନରେ କିଛି ସମୟ ପାଇଁ ଟ୍ରାଫିକ ଜାମ ହୋଇଥିଲା । ମାଧୁରୀଙ୍କ ଝଲକ ପାଇଁ ଫ୍ୟାନଙ୍କର ପ୍ରବଳ ଭିଡ ଜମିଥିଲା ।
