ଭୁବନେଶ୍ୱର,(ଏଟିଆର ବ୍ୟୁରୋ): ଖାରବେଳନଗର ଥାନା ଶ୍ରୀୟା ହଲ ନିକଟରେ ଥିବା ବ୍ୟାଙ୍କ ଅଫ ଇଣ୍ଡିଆରେ ଘଟିଛି ଭୟାବହ ଅଗ୍ନିକାଣ୍ଡ । ୨ୟ ମହଲାରେ ଥିବା ଏହି ବ୍ୟାଙ୍କଟି ହୁତୁହୁତୁ ହୋଇ ଅଚାନକ ଜଳିବାରେ ଲାଗିଥିଲା । ବିଳମ୍ବିତ ରାତିରେ ଏମିତି ଅଗ୍ନିକାଣ୍ଡ ଦେଖି ସ୍ଥାନୀୟ ଲୋକେ ଆତଙ୍କିତ ହୋଇପଡିଥିଲେ । ଅଗ୍ନିଶମ ବିଭାଗକୁ ଖବର ଦେବା ପରେ ନିଆଁକୁ ଆୟତ କରିବା ଲାଗି ଅଗ୍ନିଶମ ବିଭାଗର ୩ଟି ଗାଡି ଯଥା ସମ୍ଭବ ଚେଷ୍ଟା ଚଳାଇଛି ।
ତେବେ ଅଗ୍ନିକାଣ୍ଡର କାରଣ ଜଣାପଡିନାହିଁ । ସଟସର୍କିଟରୁ ଏହି ଅଘଟଣ ଘଟିଥିବା ଅନୁମାନ କରାଯାଉଛି । ରାତି ପ୍ରାୟ ଗୋଟାଏରେ ବ୍ୟାଙ୍କ ଭିତରୁ ଧୁଆଁ ବାହାରୁଥିବା ଦେଖିବାକୁ ମିଳିଥିଲା । ସିକ୍ୟୁରିଟି ଗାର୍ଡ ଓ ସ୍ଥାନୀୟ ଲୋକେ ଏନେଇ ଅଗ୍ନିଶମ ବିଭାଗକୁ ସୂଚନା ଦେଇଥିଲେ । ଅଗ୍ନିକାଣ୍ଡରେ ବ୍ୟାଙ୍କରେ ଥିବା ବିଭିନ୍ନ ଗୁରୁତ୍ୱପୂର୍ଣ୍ଣ କାଗଜପତ୍ର ପୋଡି ପାଉଁସ ହୋଇଯାଇଥିବା ଜଣାପଡିଛି ।
ସେହିପରି ମଦରପବ୍ଲିକ ସ୍କୁଲ ପାଖରେ ଥିବା ଟେଣ୍ଟ କପଡ଼ାରେ ନିଆଁ ଲାଗି ଭୟାବହ ଅଗ୍ନିକାଣ୍ଡ ଘଟିଥିବା ଜଣାପଡିଛି । ଟେଣ୍ଟ ତଳେ ଜୟଗୁରୁ ଭକ୍ତଙ୍କ ସତସଙ୍ଗ ଚାଲୁଥିଲା । ତେବେ ନିଆଁ ଲାଗିବାର କାରଣ ଜଣାପଡି ନାହିଁ ।
