ସୁନ୍ଦରଗଡ (ଏଟିଆର ବ୍ୟୁରୋ):ସୁନ୍ଦରଗଡ ଜିଲ୍ଲା ବଣାଇ ଅନ୍ତର୍ଗତ ଭାଲୁଡୁଙ୍ଗୁରୀ ଠାରେ ଏକ ମିନି ଟ୍ରକ୍ ଦୁର୍ଘଟଣାଗ୍ରସ୍ତ ଘଟିଛି । ଟ୍ରକ୍ ଟି ଯାଉଥିବା ବେଳେ ଅଚାନକ୍ ରାସ୍ତା ମଝିରେ ଓଲଟି ପଡିଛି । ଫଳରେ ଏଥିରେ ୧୩ ଜଣ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା କରିବା ଲାଗି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯିବା ସହ ୪ ଜଣ ଗୁରୁତର ଥିବା ଜଣାପଡିଛି ।
ଖବରମୁତାବକ, ଗତକାଲି ବିଳମ୍ବିତ ରାତିରେ ଏହି ଦୁର୍ଘଟଣାଟି ଘଟିଛି । ପ୍ରାୟତଃ ୩୦ ଜଣ ଲୋକ କୋଇଡାରେ ଅୟୋଜନ କରାଯାଇଥିବା ଏକ କାର୍ଯ୍ୟକ୍ରମରେ ଯୋଗଦେଇ ମିନିଟ୍ରକ୍ ଯୋଗେ ଗୁରୁଣ୍ଡିଆ ଫେରୁଥିଲେ । ଅଚାନକ୍ ଟ୍ରକ୍ ର ଚକ ଫାଟି ଯାଇଥିବାରୁ ଟ୍ରକ୍ ଟି ଭାରସାମ୍ୟ ହରାଇ ଓଲଟି ପଡିଥିଲା ।
