ଭୁବନେଶ୍ୱର ( ଏଟିଆର ବ୍ୟୁରୋ): ବିଜେଡି ସଭାପତି ପଦ ପାଇଁ ଆଜି ନାମାଙ୍କନ ଭରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭୁବନେଶ୍ୱର ଦଳୀୟ କାର୍ଯ୍ୟାଳୟରେ ବହୁ ବରିଷ୍ଠ ନେତାଙ୍କ ଉପସ୍ଥିତିରେ ମୁଖ୍ୟମନ୍ତ୍ରୀ ନାମାଙ୍କନ ଭରିଛନ୍ତି । ଆସନ୍ତା ୨୬ ତାରିଖରେ ଏହାର ଫଳାଫଳ ବାହାରିବ । ମାତ୍ର ଏଥର ଏହି ସଭାପତି ପଦ ପାଇଁ ଆଉ କୌଣସି ନେତା ନାମାଙ୍କନ ଭରି ନାହାନ୍ତି । ଫଳରେ ନବୀନ ପଟ୍ଟନାୟକ ଏକ ପ୍ରକାର ଅଷ୍ଟମ ଥର ପାଇଁ ବିଜେଡି ସଭାପତି ହେବା ସ୍ଥିର ହୋଇ ସାରିଛି ।
ସୂଚନାଯୋଗ୍ୟ ଅଷ୍ଟମଥର ପାଇଁ ନବୀନ ଦଳର ମୁଖିଆ ହେବେ । ସେହିଭଳି ଦଳର କାର୍ଯ୍ୟକାରିଣୀ ସଭାପତି ପଦ ପାଇଁ ୮୦ ଜଣ ନାମାଙ୍କନ ଭରିଛନ୍ତି । ଅନ୍ୟପଟେ ଗତ ଶୁକ୍ରବାର ବିଜେଡି ଜିଲ୍ଲା ସଭାପତି ମାନଙ୍କ ନାମ ଘୋଷଣା କରାଯାଇଛି । ୧୯୯୭ ମସିହା ଠାରୁ ଦଳ ଗଠନ ହେବା ଦିନ ଠାରୁ ନବୀନ ପଟ୍ଟନାୟକ ଦଳର ସଭାପତି ରହି ଆସିଛନ୍ତି । ଆସନ୍ତା ୨୬ ତାରିଖ ଦିନ ଦଳର ରାଜ୍ୟ କାର୍ୟ୍ୟ ପରିଷଦ ଓ କାର୍ୟ୍ୟକାରିଣୀ ବୈଠକ ବସି ସଭାପତି ଚୟନ ପ୍ରକ୍ରିୟାକୁ ଚୂଡାନ୍ତ ରୂପ ଦିଆଯିବ ।
