ପୁରୀ ( ଏଟିଆର ବ୍ୟୁରୋ ): ତୃତୀୟ ପର୍ଯ୍ୟାୟ ନିର୍ବାଚନ ଯେତେ ପାଖେଇ ଆସୁଛି ତିନି ପ୍ରମୁଖ ଦଳ ସେମାନଙ୍କର ପ୍ରଚାର ସେତେ ଜୋରଦାର କରିଛନ୍ତି । ଏଇ ନିକଟରେ ବିଜେପି ପକ୍ଷରୁ ରାଷ୍ଟ୍ରୀୟ ଅଧ୍ୟକ୍ଷ ପୁରୀ ଅଭିମୁଖା ହୋଇଥିଲେ । ଯେହେତୁ ପୁରୀ ଉପରେ ପୁରା ଦେଶର ନଜର ରହିଛି ସେଠି କୋଉ ଦଳର ବିଜୟ ହେବ ତାକୁ ନେଇ ଚାଲିଛି ଅଙ୍କକଷା । କାରଣ ତିନି ହେବିୱେଟ ନେତାଙ୍କ ଭାଗ୍ୟ ପରୀକ୍ଷା ହେଉଛି ଶ୍ରୀକ୍ଷେତ୍ରରେ । ତେଣୁ କାହା ମୁଣ୍ଡରେ ହାତୀ ସୁନା କଳସୀ ଢାଳିବ ତାକୁ ନେଇ ସମସ୍ତେ ସନ୍ଦେହରେ ।
ଏହି ଅବସରରେ ପୁରୀରେ ବିଜେଡି ହାତ ମୁଠାକୁ ଶକ୍ତଶାଳୀ କରିବାକୁ ଆଜି ବିଜେଡି ସୁପ୍ରିମୋ ନବୀନ ପଟ୍ଟନାୟକ ପୁରୀ ଗସ୍ତ କରୁଛନ୍ତି । ମୁଖ୍ୟମନ୍ତ୍ରୀ ଆଜି ପୁରୀର ବିଭିନ୍ନ ସ୍ଥାନରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବେ । ପ୍ରଥମେ ସେ ହେଲିକପ୍ଟର ଯୋଗେ ନୟାଗଡ ରଣପୁରରେ ପହଞ୍ଚିବେ । ସେଠାରୁ ସେ ନିର୍ବାଚନୀ ସଭାରେ ଜନସଭାକୁ ଉଦଭୋଧନ ଦେବେ । ସେହିଭଳି ସେଠାରୁ କାର୍ଯ୍ୟକ୍ରମ ସାରି ସେ ପୁରୀ ସଂସଦୀୟ କ୍ଷେତ୍ର ସାତପଡାରେ ମଧ୍ୟ ଦଳୀୟ କାର୍ଯ୍ୟକ୍ରମରେ ଯୋଗଦେବେ । ସେଠାରୁ ସେ ସିଧା ଶ୍ରୀକ୍ଷେତ୍ର ଅଭିମୁଖେ ଯାତ୍ରା କରିବେ । ସେଠାରେ ସେ ଶ୍ରୀ ଜୀଉଙ୍କ ଦର୍ଶନ ସାରି ପୁରୀରୁ ଭୁବନେଶ୍ୱର ପର୍ଯ୍ୟନ୍ତ ଏକ ରୋଡ ସୋ କରିବାର କାର୍ଯ୍ୟକ୍ରମ ରହିଛି ।
