ଉତ୍ତରପ୍ରଦେଶ( ଏଟିଆର ବ୍ୟୁରୋ ) ; ଉତ୍ତରପ୍ରଦେଶ ପର୍ଯ୍ୟଟନ ମନ୍ତ୍ରୀ ରିତା ବହୁଗୁଣା ଯୋଶୀ ବିରୋଧରେ ଜାମିନ ବିହୀନ ପରୱାନା ଜାରୀ କରିଛନ୍ତି ଆଲ୍ହାବାଦ ସ୍ପେସାଲ କୋର୍ଟ ।
୨୦୧୦ରେ ଘଟିଥିବା ଏକ ଅପରାଧିକ ମାମଲାରେ ଯୋଶୀଙ୍କୁ ବାରମ୍ବାର ନୋଟିସ ପଠାଯାଇଥିଲେ ସୁଦ୍ଧା ସେ କୋର୍ଟ ରେ ହାଜର ହୋଇ ନ ଥିଲେ । ଏଣୁ ବାଧ୍ୟ ହୋଇ କୋର୍ଟ ତାଙ୍କ ବିରୁଦ୍ଧରେ ଜାମିନ ବିହୀନ ପରୱାନା ଜାରି କରିଛନ୍ତି ।
କୋର୍ଟ ଶେଷ ଥର ପାଇଁ ତାଙ୍କୁ ଅକ୍ଟୋବର ୩୧ ତାରିଖ ସୁଧା ଥାନାରେ ହାଜର ହେବାପାଇଁ ନିର୍ଦେଶ ଦେଇଛନ୍ତି ନଚେତ ତାଙ୍କୁ ପୋଲିସ ଗିରଫ କରିବ ବୋଲି କୋର୍ଟ ନିଜ ରାୟରେ କହିଛନ୍ତି ।
ସୂଚନାଯେଗ୍ୟଯେ, ଯୋଶୀ ୨୦୧୦ ମସିହାରେ ଧାରା ୧୪୪ କୁ ଉଲଙ୍ଘନ କରି ଉତ୍ତରପ୍ରଦେଶର ରାଜଧାନୀ ଲକ୍ଷୈା ଠାରେ ଏକ ବିଶାଳ ରାଲି କରବା ସହ ରାଜ୍ୟ ବିଧାନ ସଭାକୁ ଘେରାଉ କରିଥିଲେ । ଏଥିପାଇଁ ଥାନାରେ ତାଙ୍କ ବିରୁଦ୍ଧରେ ଥାନାରେ ମାମଲା ହୋଇଥିଲା ।
ଯୋଶୀ ୨୦୧୦ ମସିହାରେ ଉତ୍ତରପ୍ରଦେଶ ରାଜ୍ୟ କଂଗ୍ରେସର ସଭାପତି ଥିଲେ । କିନ୍ତୁ ଏବେ ସେ କଂଗ୍ରେସ ଛାଡି ବିଜେପି ରେ ଯୋଗ ଦେଇଛନ୍ତି ।
