ପିପିଲି (ଏଟିଆର ବ୍ୟୁରୋ); ପିପିଲିରେ ପୋଲିସର ଏନକାଉଣ୍ଟର । ପୋଲିସ ଗୁଳିରେ ଅପରାଧୀ ଆହତ । ଆହତ ଅପରାଧୀ ହେଲା ଜିତେନ୍ଦ୍ର ସାହୁ । ଜିତୁର ଡାହାଣ ଗୋଡରେ ଗୁଳି ବାଜିଛି । ତାକୁ ପିପିଲି ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଜିତୁ ପାଖରୁ ଗୋଟିଏ ପିସ୍ତଲ,ବାଇକ ଏବଂ ୨ଟି ଜିବନ୍ତ ଗୁଳି ଜବତ କରିଛି । ତେବେ ଅଭିଯୁକ୍ତର ଘର ପୁରୀ ଅବକାଶ ଲେନ ବୋଲି ସୂଚନା ମିଳିଛି ।
ସୂଚନା ଅନୁଯାୟୀ ଜିତୁ ନାଁରେ କୁମ୍ଭାରପଡା ଥାନାରେ ରହିଛି ଅପରାଧୀକ ମାମଲା । ସେପଟେ ନିକଟରେ ପୁରୀରେ ପାରାକୁ ଗୁଳିମାଡ ଘଟଣାରେ ଡେଙ୍ଗା ମୁନା ସହ ଜିତୁର ହାତ ଥିବା ଜଣାପଡିଛି । ତେବେ ପାରା ଗୁଳି ମାଡ ପରଠାରୁ ଫେରାର ହୋଇ ନୟାଗଡରେ ରହୁଥିଲା ଜିତୁ । ଶନିବାର ଭୋର ସମୟ ୫ଟା ସମୟରେ ନୟାଗଡରୁ ପୁରୀ ଆସୁଥିବା ବେଳେ ପୋଲିସ ଖବର ପାଇ ପିପିଲି-ଜଟଣୀ ବାରିମୂଳ ଠାରେ ଜିତୁକୁ ଅଟକାଇବା ପାଇଁ ଚେଷ୍ଟା କରିଥିଲା । ପୋଲିସ ଉପରକୁ ପ୍ରଥମେ ଆକ୍ରମଣ କରିଥିଲା ଜିତୁ । ଫଳରେ ପୋଲିସ ବାଧ୍ୟ ହୋଇ ପାଲଟା ଗୁଳି ଚଳାଇଥିଲା । ଏହି ଗୁଳିରେ ଆହତ ହୋଇଛି ଅଭିଯୁ୍କ୍ତ । ସେପଟେ ଜିତୁ ସହ ଥିବା ଅନ୍ୟ ଜଣେ ଫେରାର ହୋଇ ଯାଇଛି ।
